સાવધાન / હોળીના નામે પૈસા માંગવા આવે તો લૂંટાઇ ન જતા, અમદાવાદમાં બન્યો ચોંકાવનારો કિસ્સો

• વસ્ત્રાપુરમાં લૂંટનો વિચિત્ર કિસ્સો
• ધોળા દિવસે એક લાખની લૂંટ
• વશીકરણ કરીને ચલાવી લૂંટ

આ બનાવ અંગે પ્રાપ્ત થયેલી વિગત અનુસાર, અમદાવાદના વસ્ત્રાપુરમાં લૂંટનો વિચિત્ર કિસ્સો સામે આવ્યો છે. વશીકરણ કરી લૂંટ ચલાવાઇ હોવાનો ફરિયાદીએ આક્ષેપ કર્યો છે. હોળી માટે નાણાં માંગવાના બહાને 2 મહિલાએ લૂંટ ચલાવી છે. ભોગ બનનારને ઘટના અંગે કોઇ ખ્યાલ ન હોવાનો દાવો કરાયો છે.

મહિલાઓ હાથની વીંટી, ગળાની ચેન સહિત રોકડ રકમ લઇ ફરાર

ઉલ્લેખનીય છે કે, મહિલાઓ હાથની વીંટી, ગળાની ચેન સહિત રોકડ રકમ લઇ ફરાર થઇ ગઇ છે. કારમાં આવેલા એક પુરૂષ સાથે 2 મહિલાઓ લૂંટ કરી ફરાર થઇ ગઇ છે. વસ્ત્રાપુર પોલીસે છેતરપિંડી અને લૂંટનો ગુનો નોંધી તપાસ હાથ ધરી છે. 

આસપાસના વિસ્તારમાં મચી ચકચાર 

હોળી-ધૂળેટીનો તહેવાર નજીક આવી રહ્યો છે ત્યારે હોળીના નામે કેટલાય લોકો પૈસા માગવા ફ્લેટ તથા સોસાયટીમાં આવતા હોય છે. ત્યારે ક્યારેક એકલતાનો લાભ લઇને મહિલાઓ ભોગ બની જાય છે. ત્યારે વસ્ત્રાપુરના એક ફ્લેટમાંથી 1 લાખ રૂપિયાની લૂંટ ચલાવાતા સમગ્ર વિસ્તારમાં ચકચાર મચી જવા પામી હતી.