બ્રેકિંગ ન્યુઝ
VTV / ગુજરાત / અમદાવાદના સમાચાર / ઉત્તરાયણ પર અમદાવાદના ફ્લાવર શોએ રેકોર્ડ તોડ્યો, એક જ દિવસમાં છલકાઇ ગઇ AMCની તિજોરી
Last Updated: 02:05 PM, 15 January 2025
અમદાવાદ મ્યુનિસિપલ કોર્પોરેશન દ્વારા આયોજિત અમદાવાદ ઇન્ટરનેશનલ ફ્લાવર શો 2025માં ઉત્તરાયણના દિવસે ભારે ભીડ જોવા મળી હતી. જેમાં મુલાકાતીઓની સંખ્યા પહેલી વાર એક જ દિવસમાં એક લાખને વટાવી ગઈ હતી. 14 જાન્યુઆરી 2025ના રોજ કુલ 1,01,889 લોકોએ ફ્લાવર શોની મુલાકાત લીધી હતી. જે ટિકિટ ખરીદ્યા પછી એક દિવસમાં સૌથી વધુ મુલાકાતીઓનો આંકડો હતો. આ ઉપરાંત 12 વર્ષથી ઓછી ઉંમરના 30567 બાળકોએ પણ ફ્લાવર શોની મુલાકાત લીધી હતી.
ADVERTISEMENT
Floral Milestone Unlocked!
— Sabarmati Riverfront Development Corporation Ltd. (@SRFDCL) January 15, 2025
With more than 1.32 lakh visitors, the Ahmedabad International Flower Show sets a new record. Your support makes it blossom!#AhmedabadFlowerShow #FloralExtravaganza #BloomingAhmedabad #NatureInFullBloom #FlowerShow2025 #FloralJourney #GardenOfDreams… pic.twitter.com/gj6t23jqoz
ટિકિટના વેચાણથી કુલ ₹86,09,800ની કુલ આવક થઈ હતી. આમાંથી ₹48,16,690 રોકડમાં, ₹12,03,640 UPI વ્યવહારો દ્વારા અને ₹25,89,470 ઓનલાઈન બુકિંગ દ્વારા એકત્રિત કરવામાં આવ્યા હતા. અમદાવાદ ઇન્ટરનેશનલ ફ્લાવર શોને આ વર્ષે ગિનિસ બુક ઓફ વર્લ્ડ રેકોર્ડનું સન્માન મળ્યું હતું.
ADVERTISEMENT
આ પણ વાંચોઃ દેવચકલી લીલી કે સૂકી ડાળ પર બેઠી તે આખું ગામ જુએ, સાબરકાંઠામાં ઉત્તરાયણે થાય છે વાર્ષિક આગાહી
ગત વર્ષે સૌથી લાંબી ફ્લાવર વોલ માટે ગિનિસ વર્લ્ડ રેકોર્ડ પ્રાપ્ત કરી લીધા બાદ આ વર્ષે વર્લ્ડ લાર્જેસ્ટ ફ્લાવર બુકે માટે ફરી એક વાર ગિનિસ બુક ઓફ વર્લ્ડ રેકોર્ડમાં સ્થાન મેળવી અમદાવાદને વિશ્વ ફલક પર મૂક્યું છે. તારીખ 7 જાન્યુઆરી, 2025ના રોજ ગિનિસ બુકની ટીમ દ્વારા કોર્પોરેશન દ્વારા બનાવવામાં આવેલ 10.24 મીટર હાઇટ અને 10.84 મીટર ત્રિજ્યા વાળા ફ્લાવર બુકેને વિશ્વના સૌથી મોટા ફ્લાવર બુકે તરીકે સ્થાન પ્રાપ્ત થયું હતું.
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.