અકસ્માત / ધોરાજીની રવિવાર માઠા સમાચાર લાવી, હિટ એન્ડ રનની ઘટનામાં એકનું મોત એકની હાલત ગંભીર

• માર્કેટિંગ યાર્ડ પાસે નેશનલ હાઇવે પર હીટ એન્ડ રન 
• કાર ચાલકે બાઇક સવારને લીધો અડફેટે 
• અકસ્માતમાં બાઇક ચાલકનું ઘટના સ્થળે મોત

ધોરાજીના માર્કેટિંગ યાર્ડ પાસે નેશનલ હાઇવે પર હિટ એન્ડ રનની ગોઝારી ઘટના બની હતી.  કારે બાઇકને અડફેટે લેતા બાઇકસવારનું ઘટનાસ્થળે જ મૃત્યુ થયું હતું.  તો એકને ઇજા પહોંચી હતી. 

હવામાં 10 ફૂટ ફંગોળાઈ કાર

સ્પીડમાં આવતા કાર ચાલકે બાઇક સવારને અડફેટે લીધો હતો. કાર એટલી સ્પીડમાં હતી કે, કાર ડિવાઇડર કૂદીને 10 ફૂટ દૂર ફંગોળાઇ હતી. અકસ્માત બાદ કારચાલક ફરાર થઇ ગયો હતો. ઇજાગ્રસ્તને સારવાર અર્થે હોસ્પિટલ લઇ જવાયો હતો.

પોલીસે કાનૂની કાર્યવાહી હાથ ધરી

પોલીસે ઘટના સ્થળે પહોંચીને કાનૂની કાર્યવાહી હાથ ધરી હતી. હાલ હીટ એન્ડ રનની ઘટના નોંધીને તપાસની તૈયારીઓ શરૂ કરી છે.