પહેલ / વન નેશન, વન રાશન કાર્ડ સાથે વધુ આ 3 રાજ્યો જોડાયા, જાણો આજથી તેમાં શું બદલાયુ

• ઓડિશા, મિઝોરમ અને સિક્કિમ 1 જૂનથી 'વન નેશન, વન રેશનકાર્ડમાં જોડાયા
• ઉત્તરાખંડ, નાગાલેન્ડ અને મણિપુરને પણ 1 ઓગસ્ટના રોજ જોડવામાં આવશે
• આ નવી સિસ્ટમ દેશના કુલ 20 રાજ્યો જોડાયા છે

ફૂડ મંત્રાલયના જણાવ્યા અનુસાર 1 ઓગસ્ટ 2020થી ઉત્તરાખંડ, નાગાલેન્ડ અને મણિપુરને પણ 'વન નેશન, વન રેશનકાર્ડ' સિસ્ટમ સાથે  જોડવામાં આવશે. આ સાથે 'એક રાષ્ટ્ર, એક રેશનકાર્ડ' સિસ્ટમમાં જોડાનારા કુલ રાજ્યોની સંખ્યા 23 થશે. ભારત સરકારે માર્ચ 2021 સુધીમાં આ દેશના તમામ રાજ્યો અને કેન્દ્રશાસિત પ્રદેશોને જોડવાનો લક્ષ્યાંક નક્કી કર્યો છે.

અર્ધલશ્કરી દળોની કેન્ટીનમાં 'સ્થાનિક' માલ

વડા પ્રધાન નરેન્દ્ર મોદીએ લોકલ અથવા સ્થાનિક ઉત્પાદનોને પ્રોત્સાહન આપવા અપીલ કરી છે. આ જોતાં કેન્દ્રીય મંત્રી અમિત શાહે આદેશ આપ્યો છે કે 1 જૂનથી હવે અર્ધસૈનિક દળોની કેન્ટીનમાં ઘરેલુ ઉત્પાદનો વેચવામાં આવશે.

એલપીજીના ભાવ વધશે

ઇન્ડિયન ઓઇલ કોર્પોરેશન (આઈઓસી) ના જણાવ્યા અનુસાર જૂન 2020 ના એલપીજીના ભાવ આંતરરાષ્ટ્રીય સ્તરે વધી ગયા છે. આંતરરાષ્ટ્રીય બજારમાં કિંમતોમાં વધારાને કારણે દિલ્હીમાં એલપીજીના છૂટક વેચાણના ભાવનાં સિલિન્ડર દીઠ રૂ. 11.50 નો વધારો કરવામાં આવશે. આ વધારા પછી દિલ્હીમાં એલપીજીની કિંમત 599 રૂપિયા પ્રતિ સિલિન્ડર થઈ ગઈ છે. રસોઈ ગેસના ભાવમાં વધારાની અસર પ્રધાનમંત્રી ઉજ્જવલા યોજના (પીએમયુવાય) ના લાભાર્થીઓ પર થશે નહીં કારણ કે તેઓ વડા પ્રધાન ગરીબ કલ્યાણ યોજના હેઠળ આવરી લેવામાં આવ્યા છે અને તેઓ 30 જૂન સુધી મફત સિલિન્ડરના હકદાર છે.