ખરીદી / નવું બાઈક-સ્કૂટર કે પછી કાર ખરીદવાનું વિચારતા હોવ તો ખરીદી લેજો, આ તારીખથી થઈ રહ્યું છે મોંઘું

• ૨૦૨૦માં મોટરસાઇકલ અને સ્કૂટર સહિત ટુ વ્હિલર્સના ભાવ વધશે
• ડિસેમ્બર મહિનામાં વાહન ખરીદવાની સારી તક છે
• હીરો મોટો કોર્પે બાઇક અને સ્કૂટરના ભાવમાં રૂ. ૨૦૦૦ સુધીનો વધારો કરશે

દેશની મોટા ભાગની કાર ઉત્પાદક કંપનીઓએ પણ ૧ જાન્યુઆરીથી કિંમત વધારવાની જાહેરાત કરી દીધી છે. કાર બાદ સ્કૂટર-બાઇકના ભાવ પણ હવે વધવા જઇ રહ્યા છે. હીરો મોટો કોર્પે એક નિવેદનમાં જણાવ્યું છે કે આ ભાવવધારો ટુ વ્હિલર્સની તમામ સિરીઝમાં કરવામાં આવશે. 

કંપનીએ જણાવ્યું હતું કે ભાવવધારો મોડલ અને બજારના આધારે અલગ અલગ હશે. હાલ કંપની રૂ.૩૯,૯૦૦થી લઇને રૂ. ૧.૦૫ લાખ સુધીની કિંમતમાં વિવિધ મોડલની બાઇક્સ અને સ્કૂટર્સનું વેચાણ કરી રહી છે. હીરો મોટો કોર્પના પગલે અન્ય ટુ વ્હિલર્સ કંપની પણ ભાવવધારો કરશે એવા નિર્દેશ મળી રહ્યા છે.