cable.co.uk એ તેના લેટેસ્ટ રિપોર્ટમાં દુનિયાના એવા દેશોના નામ આપ્યા છે જ્યાં સૌથી સસ્તો અને મોંઘો મોબાઈલ ડેટા ઉપલબ્ધ છે
એક અહેવાલમાં વિશ્વના તમામ દેશોમાં ડેટા ચાર્જની વિગતો બહાર આવી
ભારતનું નામ પણ સૌથી ઓછી ડેટા કિંમત ધરાવતા ટોપ-5 દેશોમાં સામેલ
Saint Helena દેશમાં 1GB ડેટાની કિંમત $41.06, અંદાજે રૂ. 3,323.92
દેશ અને દુનિયામાં ટેલિકોમ કંપનીઓના રિચાર્જ હવે કૉલિંગ લાભો પર ઓછા અને ડેટા લાભો પર વધુ કેન્દ્રિત થઈ ગયા છે. મોટાભાગની યોજનાઓમાં ડેટા લાભોની ચર્ચા કરવામાં આવે છે. તાજેતરના એક અહેવાલમાં વિશ્વના તમામ દેશોમાં ડેટા ચાર્જની વિગતો બહાર આવી છે. cable.co.uk એ તેના લેટેસ્ટ રિપોર્ટમાં દુનિયાના એવા દેશોના નામ આપ્યા છે જ્યાં સૌથી સસ્તો અને મોંઘો મોબાઈલ ડેટા ઉપલબ્ધ છે.
જોકે આ રિપોર્ટમાં ભારતનું નામ પણ સૌથી ઓછી ડેટા કિંમત ધરાવતા ટોપ-5 દેશોમાં સામેલ છે. એટલે કે ભારતમાં રહેતા લોકોને પણ વિશ્વના અન્ય દેશો કરતા ઓછા ખર્ચે ડેટા મળે છે. રિપોર્ટ અનુસાર 233 દેશોની આ રેન્કિંગમાં ભારત 5માં નંબર પર છે. આ રેન્કિંગ એવા દેશોનું છે જ્યાં ડેટાની કિંમત સૌથી ઓછી છે.
આ 5 દેશોમાં ઈન્ટરનેટની કિંમત સૌથી સસ્તી
cable.co.uk એ તેના અહેવાલમાં આ તમામ 233 દેશોમાં 1GB મોબાઈલ ડેટાની કિંમતની ગણતરી કરી છે. રિપોર્ટ અનુસાર ઈઝરાયેલમાં સૌથી સસ્તો ડેટા ઉપલબ્ધ છે. અહીં, 1GB ડેટા માટે, ઉપભોક્તાઓને માત્ર $0.04 એટલે કે લગભગ 3.20 રૂપિયા ખર્ચવા પડશે. તો વળી ઇટાલી બીજા નંબર પર છે, જ્યાં વપરાશકર્તાઓને 1GB મોબાઇલ ડેટા માટે $ 0.12 ખર્ચવા પડે છે, લગભગ 9.59 રૂપિયા. સાન મેરિનો ત્રીજા નંબર પર છે, જ્યાં 1GB ડેટા માટે ગ્રાહકોએ $0.14 (લગભગ રૂ. 11.19) ખર્ચવા પડશે. આ પછી ફિજી અને પછી ભારતનો નંબર આવે છે. ફિજીમાં ગ્રાહકોએ 1GB ડેટા માટે $0.15 અંદાજે રૂ. 11.99 ખર્ચવા પડે છે. ભારતમાં, યુઝર્સને 1GB ઇન્ટરનેટ માટે $0.17 ખર્ચવા પડે છે, લગભગ રૂ. 13.59 ખર્ચવા પડે છે.
આ દેશોમાં ડેટાની કિંમત સૌથી વધુ
રિપોર્ટમાં એવા 5 દેશોના નામ પણ આપવામાં આવ્યા છે જ્યાં ડેટાની કિંમત સૌથી વધુ છે. આ યાદીમાં ટોચ પર Saint Helena છે, જ્યાં 1GB ડેટાની કિંમત $41.06, અંદાજે રૂ. 3,323.92 થશે. આ પછી Falkland Islands, Sao Tomé and Príncipe, Tokelau અને યમનના નામ આવે છે. અહીં લોકોને 1GB ડેટા માટે અનુક્રમે $38.45 (લગભગ રૂ. 3,072.11), $29.49 (લગભગ રૂ. 2,356.21), $17.88 (લગભગ રૂ. 1,428.59) અને $16.58 (લગભગ રૂ. 1,324.72) ખર્ચવા પડશે.