ડભોઈ તાલુકાના કુકડ ગામે ધૂળેટીનો પર્વ ગોઝારો બન્યો હતો.નિતેશ તડવી નામનો યુવક હોળી રમ્યા બાદ તળાવમાં નહાવા પડતાં તે ડૂબી જતાં તેનું મોત થયું હતું.
ઘટનાની જાણ થતાં ફાયર બ્રિગેડના તરવૈયાઓની બે કલાકની જહેમત બાદ મૃતકનો મૃતદેહ બહાર કાઢવામાં આવ્યો હતો.ઉલ્લેખનીય છે કે મૃતક નિતેશ તડવી વિધવા માતાનો એક માત્ર પુત્ર હતો.તેના મૃત્યુથી ધૂળેટીના પવિત્ર દિવસે ગામમાં શોક ફેલાયો હતો.
તો આ તરફ નર્મદાના પોઈચા નજીક નર્મદા નદીમાં નાહવા પડેલા 2 યુવકો ડૂબી ગયા હતા.ડૂબી ગયેલા યુવકોની સ્થાનિક તરવૈયાઓની મદદથી શોધખોળ હાથ ધરવામાં આવી છે.ડૂબી જનાર બન્ને મિત્રો વડોદરાના પાદરાના રહેવાસી છે.બન્ને મિત્રો નર્મદા ખાતે ફરવા માટે આવ્યા હતા.બન્નેમાંથી એક યુવકનું નામ અમીત ગાંધી હોવાનું બહાર આવ્યું છે.
ઉલ્લેખનીય છે કે હોળી-ધૂળેટીના પર્વને લઇને ગુજરાત સહિત દેશમાં ખાસ માહોલ જામ્યો હતો ત્યારે દક્ષિણ ગુજરાતમાં 2 ગોઝારી ઘટના બનતા મૃતકના પરિવારમાં માતમ છવાયો હતો.