દૂર્ઘટના / શુક્રવારના માઠા સમાચાર: પાલનપુર સર્કલ પાસે ગોઝારો અકસ્માત, એકનું મોત એકની હાલત ગંભીર

• પાલનપુર RTO સર્કલ પાસે અકસ્માત 
• બેકાબૂ બનેલી ટ્રક હોટલમાં ઘુસી ગઇ 
• આબુરોડ તરફથી આવી રહેલી ટ્રક બેકાબુ બની

પાલનપુર RTO સર્કલ પાસે ગોઝારો અકસ્માત થયો છે. જેમાં એકનું ઘટના સ્થળે જ મોત થયું છે જ્યારે એકને હાલત ગંભીર છે. 

આબુરોડ તરફથી આવી રહેલી ટ્રક બેકાબુ બની

આબુરોડ તરફથી આવી રહેલી ટ્રક બેકાબુ બની હતી અને બેકાબૂ બનેલી ટ્રક હોટલમાં ઘુસી ગઇને આતંક મચાવ્યો હતો જેમાં એક  ઘટના સ્થળેજ મોત થયું હતુ  જ્યારે  એકને ગંભીર ઈજાઓ પહોંચી હતી. ઘાયલ વ્યક્તિને  સારવાર અર્થે સિવિલમાં ખસેડાયો છે. 

પોલીસે હાથ ધરી કાર્યવાહી

વહેલી સવારે માતેલા સાંઢની જેમ આવેલી ટ્રકે બે જણાને અડફેટે લીધા હતા અને તારાજી સર્જી હતી ત્યારે પોલીસે અકસ્માતે ગુનો નોંધીને તપાસ હાથ ધરી છે. 

અરવલ્લીના લાલપુર પાસે હીટ એન્ડ રનની ઘટનામાં યુવકનું મોત

અરવલ્લીના લાલપુર પાસે હીટ એન્ડ રનની ઘટના બની હતી. બાઈક પર જઈ રહેલા બે યુવકોને અજાણ્યો વાહનચાલક ટક્કર મારીને ફરાર થઈ ગયો હતો. આ અકસ્માતમાં એક યુવકનું ઘટનાસ્થળે જ મોત થઈ ગયુ હતુ તથા બીજા યુવકને સારવારઅર્થે નજીકની હોસ્પિટલમાં ખસેડાયો હતો. આ અંગે શામળાજી પોલીસે ગુનો નોંધી વધુ તપાસ હાથ ધરી છે