ફાયદો / સરકારની આ યોજનામાં હવે 2 વર્ષમાં 1 કરોડ નવા લોકોને ફ્રીમાં રસોઈ ગેસનું મળશે કનેક્શન, જાણો કેવી રીતે કરશો એપ્લાય

• સરકારની યોજના
• 2 વર્ષમાં 1 કરોડ લોકોને ફ્રીમાં આપશે રસોઈ ગેસનું કનેક્શન
• બજેટમાં ઉજજ્વલા યોજનાના આધારે કરાઈ હતી જાહેરાત

હાલમાં શહેરની સાથે હાલમાં પણ ખાવાનું બનાવવા માટે LPG નો ઉપયોગ વધી રહ્યો છે. આ સમયે કેન્દ્ર સરકારની યોજના છે કે આવનારા 2 વર્ષમાં એક કરોડથી વધારે જરૂરિયાત મંદ લોકોને ફ્રીમાં LPG Gas કનેક્શન આપવામાં આવે.

બજેટમાં ઉજજ્વલા યોજનાના આધારે કરાઈ હતી જાહેરાત

પેટ્રોલિયમ સચિવ તરુણ કપૂરે રવિવારે કહ્યું કે સરકાર આવનારા 2 વર્ષમાં 1 કરોડ જરૂરિયાતમંદ લોકોને ફ્રીમાં LPG Gas કનેક્શન આપશે. નાણામંત્રી સીતારમણે આ વર્ષના બજેટમાં ઉજ્જવલા યોજનાના આધારે આ ગેસ કનેક્શન આપવાની જાહેરાત કરી હતી.

LPG Gas કનેક્શન લેવા માટે સરકાર આપે છે 1600 રૂપિયા

ગરીબી રેખાની નીચે જીવન જીવનારા લોકોને પ્રધાનમંત્રી ઉજ્જવલા યોજનાના આધારે ફ્રીમાં રસોઈ ગેસનું કનેક્શન અપાય છે. આ યોજનાનો લાભ મહિલાઓ લે છે. સરકાર ઉજ્જવલા યોજનાના આધારે ગરીબી રેખાની નીચે જીવન જીવનારા પરિવારને 1600 રૂપિયા આર્થિક મદદ પણ આપે છે. 

એલપીજી ધારકોની સંખ્યા 29 કરોડ થઈ

મળતી માહિતી અનુસાર 4 વર્ષમાં ગરીબ મહિલાઓના ઘરમાં 8 કરોડ ફ્રી એલપીજી કનેક્શન અપાયા છે. દેશમાં LPG Gas કનેક્શન ધારકોની સંખ્યા 29 કરોડ થઈ છે. 

આ રીતે મેળવો યોજનાનો ફાયદો

ઉજ્જવલા યોજનાના આધારે ગેસ કનેક્શન લેવા માટે બીપીએલ પરિવારની કોઈ પણ મહિલા એપ્લાય કરી શકે છે. તેને માટે કેવાયસી ફોર્મ ભરીને નજીકના એલપીજી સેન્ટરમાં જમા કરાવવાનું કરહે છે. આ સાથે જણાવવાનું રહે છે તે તમારે 5 કિલો કે 14.2 કિલોનો કયો સિલિન્ડર જોઈએ છે. તમે આ ફોર્મ પ્રધાનમંત્રી ઉજ્જવલા યોજનાની વેબસાઈટ પરથી પણ ડાઉનલોડ કરી શકો છો અને સેન્ટર પર જમા કરાવી શકો છો. 

આ ડોક્યુમેન્ટ્સની રહેશે જરૂર

આ કાર્ડનો લાભ લેવા માટે બીપીએલ કાર્ડ, રાશન કાર્ડ, આધાર કાર્ડ, વોટર આઈડી કાર્ડ, પાસપોર્ટ સાઈઝ ફોટો, બેંક સ્ટેટમેન્ટ જેવા ડોક્યુમેન્ટ્સ જરૂરી છે.