અમરેલીના પીપાવાવ પોર્ટ પરથી એક કરોડનો માલ સીઝ કરવામાં આવ્યો છે. પીપાવાવ પોર્ટ કસ્ટમ વિભાગે એક કરોડનો માલ સીઝ કર્યો છે. કસ્ટમ વિભાગની તપાસમાં બ્રાન્ડેડ કંપનીનો જૂનો માલ મળી આવ્યો છે.
બ્રાન્ડેડ માલ નિકળ્યો જૂનો
ઉલ્લેખનીય છે કે, દિલ્હીના ઇમ્પોર્ટરે મંગાવેલા બ્રાન્ડેડ કંપનીના કોમ્પ્યુટર અને LCD જૂના નીકળ્યા છે. ભારતમાં જૂની ઇલેક્ટ્રોનિક્સ આઇટમ પર પ્રતિબંધ છે જેને લઇ કસ્ટમ વિભાગે એક કરોડનો માલ અને એક કન્ટેનર સીઝ કરી દેવાયું છે.
કન્ટેનર કરાયું સીઝ
આપને જણાવી દઇએ કે, 1 કરોડની કિંમતના આ માલને લઈને કસ્ટમ વિભાગની ટીમો દ્વારા યુદ્ધના ધોરણે કાર્યવાહી કરવામાં આવી છે. આ સાથે 1 કરોડ ઉપરાંતના માલને સીઝ કરી કન્ટેનર કબ્જે કરી કાયદેસરની કાર્યવાહી પણ હાથ ધરવામાં આવી છે અને પીપાવાવ કસ્ટમ વિભાગ દ્વારા તપાસનો ધમધમાટ શરૂ કરતાં પોર્ટ ઓદ્યગિક ઝોનમાં ફફડાટ ફેલાઇ જવા પામ્યો છે.