વિસ્ફોટ / ક્રિકેટના મેદાનમાં અચાનક બૉમ્બ બ્લાસ્ટ થતાં 1 બાળકનું મોત, જાણો ક્યાં બની આ ઘટના

• ક્રિકેટ મેદાનમાં થયો બૉમ્બ વિસ્ફોટ
• એક બાળકનું મોત, બે ઘાયલ
• બૉલ સમજીને ઉઠાવ્યો બૉમ્બ 

આ ઘટના બિહારના ખગડિયા જિલ્લાની છે અને રવિવારે બની હતી. મહત્વનું છે કે, ગોગરી પોલીસ સ્ટેશન હેઠળ આવેલ ભગવાન હાઇ સ્કુલ મેદાન પાસે બનેલા એક જર્જરિત ભવનમાં અચાનક એક દેશી બોમ્બ ફાટવાથી આસ પાસના લોકોમાં અફરા તફરીનો માહોલ છવાઇ ગયો હતો. સ્થાનીય પોલીસ ઘટનાસ્થળે પહોંચી અને તપાસમાં જોડાઇ ગઇ. 

બાળકોએ બોલ સમજી ઉઠાવ્યો બોમ્બ
ઘટનાના સંબંધમાં સ્થાનીય લોકોએ જણાવ્યું કે આસપાસ કેટલાક બાળકો રોજની જેમ ક્રિકેટ રમી રહ્યાં હતા અને તે દરમિયાન બોલ મેદાનથી બહાર જવા પર તે તેને લેવા ગયા અને દેશી બોમ્બને બોલ સમજીને હાથમાં ઉઠાવી લીધો. જેવું તે બોલથી રમવાનો પ્રયત્ન કરતા નીચે પટક્યો કે વિસ્ફોટ થઇ ગયો હતો. 

એક બાળકનું મોત 
આ વિસ્ફોટમાં એક બાળકનું મોત થઇ ગયુ હતુ તો બીજા બે બાળકો ગંભીર રીતે જખ્મી થઇ ગયા હતા. જેને ઇલાજ માટો ગોગરી રેફરલ હોસ્પિટલમાં ભરતી કરવામાં આવ્યા છે. દેશી બોમ્બ ક્યાંથી આવ્યો, જર્જરિત ભવનમાં તેને કોણે રાખ્યો અને આ બોમ્બ પાછળ કોઇ ષડયંત્ર તો નથી, આ પ્રકારના જવાબ પોલીસ શોધી રહી છે. 

રોજ બાળકો રમવા આવે છે
આ પ્રકારની ઘટના ઘટ્યા બાદ ત્યાંના સ્થાનીય ટ્રેનર અરુણ કુમારે કહ્યું કે આ ઘટના નિંદનીય છે અને તેની યોગ્ય તપાસ થવી જોઇએ. જ્યાં વિસ્ફોટ થયો છે ત્યાં રોજ હજારો બાળકો અને યુવાનો ક્રિકેટ રમવા આવે છે. આવામાં આ ઘટવા બીજી વાર ન થાય તે પ્રશાસને સુનિશ્ચિત કરાવવું પડશે.