નવો મહિનો એટલે કે ઓગસ્ટની શરૂઆત થવાની છે. આ નવા મહિનામાં ઘણું બધું બદલાઇ જશે. આ બદલાવ હેઠળ ક્યાંક તમને રાહત મળશે તો કેટલીક એવી પણ સ્થિતિ છે જ્યાં તમારા ખિસ્સા પર પણ અસર પડશે. ચલો તો જાણીએ કેટલાક એવા બદલાવ માટે જેની અસર તમારા ખિસ્સા પર પડવાની છે.
Hyundai એ ભાવ વધાર્યો
જો તમે Hyundai મોટર ઇન્ડિયાની કાર ખરીદવા ઇચ્છો છો તો પહેલાની સરખામણીએ હવે વધારે કિંમત ચુકવવી પડી શકે છે. વાસ્તવમાં તાજેતરમાં કંપનીએ પોતાના કાર મૉડલ્સમાં 1 ઓગસ્ટથી 9200 રૂપિયા સુધીના વધારાની જાહેરાત કરી હતી. Hyundai ના જણાવ્યા અનુસાર કિંમતોમાં વધારો સરકાર તરફથી ગાડીઓમાં નવી સુરક્ષા નિયમોને સામેલ કરવાના કારણે થયો છે.
SBI માં રોકાણ પર ઝટકો
જો તમે ભારતીય સ્ટેટ બેંકમાં ફિક્સ્ડ ડિપોઝીટ તરીકે રોકાણ કર્યું છે તો તમને 1 ઑગસ્ટથી મોટો ઝટકો લાગશે. વાસ્તવમાં, બેંકે અલગ અલગ અવધિની ફિક્સ્ડ ડિપૉઝિટ પર વ્યાજ દરમાં 0.5 થી 0.75 ટકાનો ઘટાડો કર્યો છે. બેંકના આ નિર્ણયછી એ ગ્રાહકોને ઝટકો લાગશે જે ફિક્સ્ડ ડિપોઝીટને રોકાણનો સારો વિકલ્પ માને છે.
બજાજના બાઇક થયા મોંઘા
જો તમે બજાજનું બાઇક ખરીદવાનું વિચારી રહ્યા છો તો તમારે ખિસ્સું ઢીલું કરવું પડશે. વાસ્તવમાં બજાજ ઑટોના મોટાભાગના બાઇક્સની કિંમત વધી ગઇ છે. એમાં ડોમિનર 400 થી લઇને ડિસ્કવર 125, વી15 પાવર અપ, પલ્સર રેન્જ અને પ્લેટિના રેન્જનું બાઇક સામેલ છે. કિંમતોમાં વધારો 6 હજાર સુધી થયો છે.
વધી શકે છે પેટ્રોલ ડિઝલના ભાવ
આંતરરાષ્ટ્રીય બજારમાં કાચા તેલના ભાવમાં વધારો જોવા મળી રહ્યો છે. આ સતત પાંચમો દિવસ છે જ્યારે કાચા તેલના ભાવમાં વધારો થયો છે. કાચું તેલ મોંઘું થવાથી ભારતમાં પેટ્રોલ અને ડીઝલના ભાવમાં ફરીથી વૃદ્ધિ જોવા મળી શકે છે. કારણ કે ભારત પોતાની તેલની જરૂરીયાતો આશરે 84 ટકા કાચા તેલની આયાત કરે છે.