પેન્શન / 1 એપ્રિલ 2020થી લાગુ થશે પેન્શનને લઇને આ નવો નિયમ, ખાતામાં આવશે વધારે રકમ

• 6 લાખથી વધારે ઇપીએસ પેન્શનર્સ માટે સારા સમાચાર 
• 1 એપ્રિલથી ઇપીએફ પેન્શનર્સને વધારે પેન્શન મળશે

શ્રમ મંત્રાલયે નવા નિયમોને સૂચિત કર્યા છે. આ ઉપરાંત કર્મચારી ભવિષ્ય નિધિ (EPF) સ્કીમ હેઠળ પીએફ ખાતાધારકો (PF Account Holders) માટે પેન્શનના કમ્યૂટેશન એટલે કે સંપૂર્ણ આંશિક ક્લિયરન્સની જોગવાઇ પણ અમલમાં આવી ગઇ છે. આ પગલુ ખાસ કરીને એ ઇપીએફઓ પેન્શનર્સ માટે ફાયદાકારક સાબિત થશે જે 26 સપ્ટેમ્બર 2008થી પહેલા રિટાયર થયા છે અને પેન્શનના આંશિક ક્લિયરન્સનો વિકલ્પ પસંદ કર્યો છે. કમ્યૂટેડ પેન્શનનો વિકલ્પ પસંદ કરવાની તારીખથી 15  વર્ષ બાદ તેઓને આખી પેન્શનનો ફાયદો ફરીથી મળવા લાગશે. 

શું છે નિયમ?

કર્મચારી પેન્શન સ્કીમ (EPF)ના નિયમો અનુસાર, 26 સપ્ટેબમ્ર 2008ની પહેલા રિટાયર થયેલા ઇપીએફઓ મેમ્બર પોતાની પેન્શનના વધુંમાં વધુ એક-તૃતિયાંશ સંપૂર્ણ એટલે કે કમ્યૂટેડ પેન્શન તરીકે મેળવી શકો છો. બાકી બે તૃતિયાંશ પેન્શન તેઓને જીવનભર માસિક પેન્શન તરીકે મળે છે. 

પહેલા 15 વર્ષ બાદ આખી પેન્શનને લાગુ કરવાની જોગવાઇ હતી. તેને સરકારે 2009માં પાછી લઇ લીધી હતી. 20 ફેબ્રુઆરી 2020એ જારી નોટિફિકેશનથી આવા કર્મચારીઓને ફાયદો થશે, કેમકે 15 વર્ષ બાદ તેઓને ફરીવાર આખી પેન્શન મળવા લાગશે. આ પ્રકારે જો કોઇ એક એપ્રિલ 2005એ રિટાયર્ડ થયું છે તો 1 એપ્રિલ 2020 એટલે કે 15 વર્ષ બાદ વધારે પેન્શન મેળવવાનો હકદાર બની જશે. 

શું હોય છે કમ્યૂટેશન ?

પીએફ ખાતાધારક પોતાની રિટાયરમેન્ટ બાદ પેન્શનની જે રકમ પ્રતિ મહીને મેળવવાના હકદાર છે, તેમાંથી એક નિશ્ચિત રકમ જો એડવાન્સમાં સંપુર્ણ નીકાળે છે, તો તેને પેન્શનનું કમ્યૂટેશન કહે છે. 26 સપ્ટેમ્બર 2008થી પહેલા આ નિયમ હતો કે પીએફ ખાતાધારક રિટાયરમેન્ટ બાદ પોતાની 100 મહીનાની પેન્શનનો એક તૃતિયાંશ ભાગ સંપુર્ણ એડવાન્સમાં નીકાળી શકતા હતા. 15 વર્ષ બાદ આખી પેન્શનને લાગુ કરવાની જોગવાઇ હતી. 20 ફેબ્રુઆરી 2020એ જારી નોટિફિકેશનથી એવા કર્મચારીઓને ફાયદો થશે કેમકે 15 વર્ષ બાદ તેઓને ફરી આખી પેન્શન મળવા લાગશે. આ પ્રકારે જો કોઇ એક એપ્રિલ 2005એ રિટાયર થાય છે તો 1 એપ્રિલ 2020 એટલે કે 15 વર્ષ બાદ વધારે પેન્શન મેળવવાનો હકદાર બની જશે. 

શું છે એડવાન્સ પેન્શનની સુવિધા

આ સુવિધા હેઠળ પેન્શનધારકને એડવાન્સમાં પેન્શનો એક ભાગ સંપુર્ણ આપી દેવામાં આવે છે. ત્યારબાદ 15 વર્ષ માટે તેની પેન્શનમાં એક તૃતિયાંશનો ઘટાડો કરવામાં આવે છે. 15 વર્ષ બાદ પેન્શનધારક આખી પેન્શન લેવાના પાત્ર બને છે. 

ક્યારે મળી પ્રસ્તાવને મંજૂરી?

આખી માસિક પેન્શનને લાગુ કરવાના પ્રસ્તાવને ઇપીએફઓના સેન્ટ્રલ બોર્ડ ઓફ ટ્રસ્ટીએ 21 ઓગસ્ટ 2019એ લીલીઝંડી બતાવી હતી. નવા બદલાવોથી આ સુવિધા વધુ આકર્ષક બની જશે.