GPSC  / રાજ્યભરમાંથી 1.68 લાખથી વધુ આપશે GPSC કલાસ 1 અને  2ની પરીક્ષા, રાજકોટ પરીક્ષા સેન્ટર બહાર કલમ 144 લગાવાઈ

• પરીક્ષા સેન્ટર બહાર કલમ 144 વહીવટી તંત્ર દ્વારા લગાવવામાં આવી
• 32 જિલ્લાના 664પેટા કેન્દ્રો પર કુલ 1,68,698 ઉમેદવારો પરીક્ષા આપશે
• પ્રિલિમિનરી પરીક્ષામાં 200 ગુણના બે પ્રશ્નપત્રો પૂછશે

ગુજરાત સહિત દેશભરમાં યુવાનો વર્ષોથી અમુક પરીક્ષાની તૈયારીઓ કરતા હોય છે ત્યારે આજે રાજ્યભરમાં GPSC કલાસ 1 અને  2ની પરીક્ષા લેવાઈ રહી છે. જોકે હાલ જ ગૌણ સેવા પસંદગી મંડળ દ્વારા વર્ગ 3 માટે બિનસચિવાલયની 20મી ઓક્ટોબરની પરીક્ષાઓ રદ્દ કરવામાં આવી છે ત્યારે હવે આ તમામ ચર્ચાઓ અને વિટંબળાો વચ્ચે પણ આજે GPSCની પરીક્ષા લેવાઈ રહી છે. 

સુપરવાઈઝરને પહેલાથી તે ક્યાં કલાસમાં હશે તેની જાણકારી નહીં હોય
આ વખતે પરીક્ષામાં વધુ તકેદારીના ભાગ રૂપે પરીક્ષામાં સુપરવાઇઝરની ફાળવણી ડ્રો કરીને કરવામાં આવી છે. એક બ્લોકમાં 24 ઉમેદવારો બેસી શકે તેવી વ્યવસ્થા કરાઈ છે 

તમામ કેન્દ્રોનું CCTV દ્વારા કરાશે મોનીટરીંગ
GPSC કલાસ 1 અને  2ની પરીક્ષાનું પળેપળનું CCTV દ્વારા મોનિટર કરવામાં આવશે. પરીક્ષા પૂર્ણ થયા બાદ પણ તમામ વર્ગોના CCTV દ્વારા ચકાસવામાં આવશે.
પરીક્ષા શરૂ થયા બાદ કોઈપણ સંજોગોમાં ઉમેદવારને પ્રવેશ અપાશે નહીં.

કોઈપણ પ્રકારના ઇલેક્ટ્રોનિક સાધનો રાખી નહીં શકાય
આ સ્પર્ધાત્મક પરીક્ષાના ઉમેદવારોને પરીક્ષા હોલમાં કોઈ પણ ઈલેક્ટ્રોનિક સાધનો લઈ જવા દેવાશે નહીં. આ વખતની આ પ્રિલીમ પરીક્ષાનું મોનિટરીંગ એકદમ સ્ટ્રીક્ટ છે. જરા સરખી પણ ગફલત ચલાવી નહી લેવાય. 

કેટલા વિદ્યાર્થીઓ આપશે પરિક્ષા
32 જિલ્લાના 664પેટા કેન્દ્રો પર કુલ 1,68,698 ઉમેદવારો પરીક્ષા આપશે. પ્રિલિમિનરી પરીક્ષામાં 200 ગુણના બે પ્રશ્નપત્રો પૂછશે. ડિસેમ્બર 2019માં આવશે આ પ્રિલીમ પરીક્ષાનું પરિણામ આવશે. 

રાજકોટ જિલ્લા શિક્ષણ અધિકારી આર. એસ.ઉપાધ્યાયે જણાવ્યુ હતુ કે, પરીક્ષા ને લઈ ચુસ્ત પોલીસ બંદોબસ્ત ગોઠવવામાં આવ્યો છે પરીક્ષા સેન્ટર બહાર કલમ 144 વહીવટી તંત્ર દ્વારા લગાવવામાં આવી છે