હેલ્થ / માનસિક બીમારી સામે ઝઝૂમતી અનન્યા પાંડે, શું છે આ 'શકિલો રોગ', જાણો ઇમ્પોસ્ટર સિન્ડ્રોમ વિશે

બૉલીવુડની મશહૂર અભિનેત્રી અનન્યા પાંડેએ થોડા સમય પહેલા એક એવી બીમારી વિશે વાત કરી હતી જેનો તે સામનો કરી રહી છે. ત્યારે આ સિન્ડ્રોમ વિશે સાન્યાએ પણ જણાવ્યું હતું કે દંગલ ફિલ્મ પછી તે પણ આનો શિકાર બની હતી. અનન્યાએ તેના સોશિયલ મીડિયા પર જણાવ્યું હતું કે તે ઇમ્પોસ્ટર સિન્ડ્રોમ નામની બીમારીથી પીડાય છે. ત્યારે ચાલો જાણીએ શું છે બીમારી અને શું થાય છે તેની અસર?

ઈમ્પોસ્ટર સિન્ડ્રોમ શું છે?

ઈમ્પોસ્ટર સિન્ડ્રોમ એક માનસિક સ્થિતિ છે જેમાં વ્યક્તિ પોતાને અને તેની સફળતાને કે ક્ષમતા વિશે શંકા કરવા લાગે છે. આ સ્થિતિમાં માણસ પોતાના જ પ્રયાસોને સાચા ગણતો નથી અને તેને એવું લાગે છે કે આ સફળતા તેને બીજાના કારણે મળી છે. તેની મહેનતના કારણે નહીં. આને' સફળતાનો દગો' પણ કહેવાય છે. આમાં તમે પોતાને બીજાથી ઉતરતા અને અસફળ સમજો છો અને તમારી સફળતાનો શ્રેય પણ લઈ શકતા નથી. આ માનસિક સ્થિતિની અસર માણસોના સંબંધ પર પણ પડે છે તે હંમેશા પોતાને બીજાથી ઉતરતા સાંજે છે અને પોતાની જ એબીલીટી પર વિશ્વાસ કરી શકતા નથી.

ઈમ્પોસ્ટર સિન્ડ્રોમના લક્ષણ

ઈમ્પોસ્ટર સિન્ડ્રોમના લક્ષણ સામાન્ય છે. પોતાની જકાત પર વિશ્વાસ ના કરવો, કોઈ વખાણ કરે તો અસહજતા અનુભવવી, સતત એવું વિચારવું કે બીજા પાસે પોતાના કરતાં વધારે જાણકારી છે, પોતાના કામની તુલના બીજા સાથે કરવી, નિષ્ફળ થવાનો ડર અને પોતાની જાત સાથે સતત વાતો કરવી.

વધુ વાંચો: શું હતો સંધ્યા થિયેટર કેસ જેના કારણે થઈ અલ્લૂ અર્જુનની ધરપકડ? એક ભૂલ પુષ્પાને પડી ભારે

ઈમ્પોસ્ટર સિન્ડ્રોમથી બચવાના ઉપાય

જો તમે પણ ઈમ્પોસ્ટર સિન્ડ્રોમથી પીડાઈ રહ્યા છો તો આ ઉપાય અજમાવી જુવો. સૌથી પહેલા તમારા મિત્ર કે પરિવારનના લોકોની મદદ લો. તેમની સાથે ખૂલીને મનની વાત કરો. આ ઉપરાંત પોતાની જાતને સકારાત્મક રૂપથી જુવો અને તમારી સફળતાને સ્વીકારો. દરેકનું જીવન અલગ હોય છે, ડેકની સ્થિતિ અલગ હોય છે માટે ક્યારેય કોઈપણ સાથે પોતાની તુલના ના કરો, તેના કરતાં તમારી કામયાબી અને સફળતા પર ફોકસ કરો. એવા લોકો સાથે સમય વિતાવો જે તમારી સફળતાને અને તમારા પ્રયત્નોને બિરદાવે અને જે તમારી મદદ માટે હંમેશા તૈયાર હોય. આ બીમારીથી લડવા માટે સૌથી જરૂરી છે પોતે સમજો અને પોતાની જાત પર વિશ્વાસ કરો. અને તમારા માનસિક સ્વાસ્થ્યને પ્રાથમિકતા આપો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ