Friday, July 19, 2019
સબસ્ક્રાઈબ કરો VTVGujarati ન્યુઝ Whatsapp

દાવો / શ્રીદેવીના મોતના એક વર્ષ બાદ IPS અધિકારીના ચોંકાવનારા દાવાથી મચ્યો ખળભળાટ

શ્રીદેવીના મોતના એક વર્ષ બાદ IPS અધિકારીના ચોંકાવનારા દાવાથી મચ્યો ખળભળાટ

બોલિવુડ અભિનેત્રી શ્રીદેવીનું 24 ફેબ્રુઆરી, 2018 ના રોજ અવસાન થયું. દુબઇના એક બાથટબમાં પડી જવાથી તેમનું મોત થયું હોવાનું સામે આવ્યું હતું. તેમના અચાનક અવસાનથી, આખું બોલીવુડ આઘાતમાં સરી પડ્યું. ત્યારે શ્રીદેવીના મૃત્યુને લઇને કેરળના આઇ.પી.એસ. અધિકારી અને ડી.જી.પી. ઋષિરાજ સિંહે આશ્ચર્યજનક દાવાઓ કર્યા છે.

શ્રી દેવીનું મોત એક મર્ડર હોય શકે

ઋષિરાજ સિંહે કેરળના એક ન્યૂઝપેપરમાં એક કોલમ લખી છે જેમાં તેમણે લખ્યું કે, શ્રીદેવીનું મોત બાથટબમાં ડૂબી જવાથી થયું નથી, પરંતુ તેમનું મર્ડર કરવામાં આવ્યું છે. આ દાવો તેમણે ભારતનાં જાણીતા ફોરેન્સિક સર્જન તથા તેમના મિત્ર ડો. ઉમાદથનના હવાલાથી કર્યો છે. ઋષિરાજ સિંહે લખ્યું કે, જ્યારે મેં મારા મિત્ર અને જાણીતા ફોરેન્સિક એક્સપર્ટ ડોક્ટર ઉમાદથનને શ્રીદેવીના મોચ મામલે પૂછ્યું તો કહ્યું કે, શ્રી દેવીનું મોત એક મર્ડર હોય શકે છે. 

પગ પકડીને ડૂબાડવામાં આવે તો જ આવું મોત શક્ય

ડોક્ટર ઉમાદથને કેટલાક ફેક્ટને પોઇન્ટ્સ કરતા કહ્યું- "કોઈપણ ગમે તેટલા નશામાં હોય માણસ એક ફુટ પામીમાં ડૂબી ન શકે, તે માત્ર ત્યારે જ ડૂબશે જ્યારે કોઈ પણ બે પગ પકડીને તેના માથાને પાણી ડુબાડવામાં આવે.

24 ફેબ્રુઆરી 2018માં દુબઇમાં થયું મોત

ઉલ્લેખનીય છે કે, ગત વર્ષ 24 ફેબ્રુઆરીમાં દુબઇની એક હોટલમાં શ્રીદેવીનું મોત થયુ હતું. ત્યારે તેની મોતનું કારણ એક દુર્ધટના ગણાવામાં આવી હતી. પોસ્ટમોર્ટમ રિપોર્ટ મુજબ, નશાની હાલતમાં બાથટબમાં ડૂબવાથી તેનું મોત થઇ ગયુ હતું. તેમનું મોતને એક અકસ્માત માનવામાં આવે છે. શ્રીદેવી ત્યાં મોહિત મારવાહનાં લગ્નમાં શામેલ થવા ગઇ હતી. પણ લગ્ન બાદ તે ત્યાં થોડા દિવસ રોકાઇ ગઇ હતી. ત્યાં તેનું મોત થયું હતુ. 
 
શ્રીદેવીના મોતની સ્વતંત્ર તપાસની માગ સુપ્રીમે ફગાવી 
 
અભિનેત્રી શ્રીદેવીના મોતની સ્વતંત્ર તપાસ કરવાની માંગ કરનારી અરજીને સુપ્રીમ કોર્ટે ફગાવી દીધી છે. કોર્ટે કહ્યું કે હવે શ્રીદેવીની મોતની ફરીથી તપાસ થશે નહીં કારણ કે એના પોસ્ટમોર્ટમ રિપોર્ટમાં નિધનનું કારણ સ્પષ્ટ લખેલું છે. 

જણાવી દઇએ કે અરજી 'ગેમ ઓફ અયોધ્યા' ફએમ ફિલ્મમેકર સુનીલ સિંહે દાખલ કરી હતી. અરજીમાં કહેવામાં આવ્યું હતું કે જે પરિસ્થિતિઓમાં શ્રીદેવીનું નિધન થયું છે એની તપાસ થવી જોઇએ. આ પહેલા દિલ્હી હાઇકોર્ટ પણ આ અરજીની ફગાવી ચૂકી છે. 

અભિનેત્રીના મોતમાં કંઇ પણ શંકાસ્પદ નથી : વિદેશ મંત્રાલય

બોલીવુડ  અભિનેત્રી શ્રીદેવીના મોત પર ભરતના વિદેશ મંત્રાલયે પહેલી વખત મૌન તોડ્યું છે. મંત્રાલયે કહ્યું કે અભિનેત્રીના મોતમાં કંઇ પણ શંકાસ્પદ નથી. વિદેશ મંત્રાલય પ્રવક્તા રવીશ કુમારે કહ્યું કે જ્યાં સુધી મને ખબર છે યૂએઇ સરકારથી દસ્તાવેજ અમને મળ્યા છે જો કઇ શંકાસ્પદ હોત તો અત્યાર સુધી સામે આવી ગયું હોત. જણાવી દઇએ કે શ્રીદેવીએ 24 ફેબ્રુઆરીએ દુબઇમાં છેલ્લા શ્વાસ લીઘા હતા. એના મોત બાદ મીડિયામાં વિવિધ કયાસ લગાડવાના શરૂ થઇ ગયા હતા. 

જોવા જેવું વધુ જુઓ

બ્રેકિંગ ન્યૂઝ