Sports News in Gujarati - Get Exclusive News Headlines and breaking sports Samachar in Gujarati only on VTVGujarati.com. Read latest sports news headlines in Gujarati
ભારતીય ક્રિકેટ કંટ્રોલ બોર્ડે ફેબ્રુઆરીના અંતમાં સેન્ટ્રલ કોન્ટ્રાક્ટની યાદી બહાર પાડી હતી જેમાં બોર્ડે કેટલાક દિગ્ગજ ખેલાડીઓને સ્થાન નહતું મળ્યું અને ઘણા યુવા ખેલાડીઓને આ યાદીમાં સામેલ કરવામાં આવ્યા હતા. હવે BCCIએ સરફરાઝ ખાન અને ધ્રુવ જુરેલને પણ ખુશખબર આપી છે. તાજેતરમાં ઈંગ્લેન્ડ સામેની ટેસ્ટ શ્રેણીમાં બંને ખેલાડીઓએ શાનદાર બેટિંગ કરી હતી. સરફરાઝ અને જુરેલે આ સિરીઝમાં ડેબ્યૂ કર્યું હતું અને 3-3 ટેસ્ટ મેચ રમી હતી.
Sarfaraz Khan - Grade C.
— Mufaddal Vohra (@mufaddal_vohra) March 18, 2024
Dhruv Jurel - Grade C.
- Both Jurel and Sarfaraz have been handed the BCCI Central Contract. (PTI). pic.twitter.com/QfHYh3cowz
ભારતના નવા બેટિંગ સ્ટાર સરફરાઝ ખાન અને વિકેટકીપર ધ્રુવ જુરેલને 1 કરોડ રૂપિયાની વાર્ષિક રિટેનરશિપ ફી સાથે BCCIના સેન્ટ્રલ કોન્ટ્રાક્ટના ગ્રુપ Cમાં સામેલ કરવામાં આવ્યા હતા. સોમવારે યોજાયેલી BCCI એપેક્સ કાઉન્સિલની બેઠક દરમિયાન આ બંનેના નામોને મંજૂરી આપવામાં આવી હતી.
બીસીસીઆઈએ તેના વચન મુજબ ધ્રુવ જુરેલ અને સરફરાઝ ખાનને સેન્ટ્રલ કોન્ટ્રાક્ટમાં સામેલ કર્યા છે. બંને યુવા ખેલાડીઓને 2023-24 માટે કરારબદ્ધ ખેલાડીઓની યાદીમાં સામેલ કરવામાં આવ્યા હતા. જુરેલ અને સરફરાઝ ઈંગ્લેન્ડ સામે પાંચમી ટેસ્ટ રમ્યા બાદ જ કોન્ટ્રાક્ટ માટે લાયક બન્યા હતા. બોર્ડે બેટ્સમેન શ્રેયસ ઐયરની અવગણના કરી છે. બોર્ડે રણજી ટ્રોફી રમવાની સલાહનું પાલન ન કરવા બદલ અય્યર અને ઈશાન કિશનને યાદીમાંથી હટાવી દીધા હતા.
Sarfaraz Khan and Dhruv Jurel have been handed the BCCI's annual central contract of "Grade C". (PTI). pic.twitter.com/4XUzlItRSU
— CricketMAN2 (@ImTanujSingh) March 19, 2024
સેન્ટ્રલ કોન્ટ્રાક્ટ મેળવવા માટે, સરફરાઝ અને ધ્રુવે ઓછામાં ઓછી 3 ટેસ્ટ અથવા 8 ODI અથવા 10 T20 મેચ રમવાની જરૂર હતી. બંને બેટ્સમેનોએ ઈંગ્લેન્ડ સામે 3 ટેસ્ટ મેચોમાં ભાગ લીધો હતો. અગાઉ કોન્ટ્રાક્ટ લિસ્ટ બહાર પાડતી વખતે, BCCIએ એક નિવેદનમાં કહ્યું હતું કે, "જે એથ્લેટ્સ આપેલ સમયગાળામાં ઓછામાં ઓછી 3 ટેસ્ટ અથવા 8 ODI અથવા 10 T20I રમવાના માપદંડને પૂર્ણ કરે છે તેઓને ગ્રુપ Cમાં આપમેળે શામેલ કરવામાં આવશે.''
વધુ વાંચો: રિષભ પંતની બેટિંગ પર સુનીલ ગાવસ્કર ચિંતાતુર, કહ્યું 'બની શકે હવે એવી બેટિંગ જોવા ન મળે'
BCCI સેન્ટ્રલ કોન્ટ્રાક્ટ લિસ્ટ
ગ્રેડ A+ - રોહિત શર્મા, વિરાટ કોહલી, જસપ્રિત બુમરાજ, રવિન્દ્ર જાડેજા.
ગ્રેડ A – આર અશ્વિન, મોહમ્મદ. શમી, મોહમ્મદ. સિરાજ, કેએલ રાહુલ, શુભમન ગિલ અને હાર્દિક પંડ્યા.
ગ્રેડ B - સૂર્ય કુમાર યાદવ, ઋષભ પંત, કુલદીપ યાદવ, અક્ષર પટેલ અને યશસ્વી જયસ્વાલ.
ગ્રેડ C - રિંકુ સિંહ, તિલક વર્મા, રુતુરાજ ગાયકવાડ, શાર્દુલ ઠાકુર, શિવમ દુબે, રવિ બિશ્નોઈ, જીતેશ શર્મા, વોશિંગ્ટન સુંદર, મુકેશ કુમાર, સંજુ સેમસન, અર્શદીપ સિંહ, કેએસ ભરત, પ્રસિદ્ધ કૃષ્ણ, અવેશ ખાન અને રજત પાટીદાર, સરફરાઝ ખાન વિકેટકીપર ધ્રુવ જુરેલ
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
લગભગ 15 મહિના સુધી ક્રિકેટથી દૂર રહ્યા બાદ ભારતીય ટીમનો વિકેટકીપર બેટ્સમેન રિષભ પંત મેદાનમાં પરત ફરવા માટે તૈયાર છે. ચાહકો તેમને મેદાન પર જોવા માટે આતુર છે અને તે પહેલા ભારતીય ક્રિકેટ ટીમના પૂર્વ દિગ્ગજ બેટ્સમેન સુનીલ ગાવસ્કરે એક મોટી વાત કહી છે, જેનાથી દિલ્હી કેપિટલ્સના ચાહકો ચોંકી ગયા છે.
Sunil Gavaskar is skeptical that we may not see the real Rishabh Pant in the IPL 2024 #SunilGavaskar #RishabhPant #DC #IPL2024 #Insidesport #CricketTwitter pic.twitter.com/seRk0Pf8Uy
— InsideSport (@InsideSportIND) March 18, 2024
ભારતીય ક્રિકેટર સુનીલ ગાવસ્કરને લાગે છે કે રિષભ પંત માટે ઈન્ડિયન પ્રીમિયર લીગ (આઈપીએલ)ની શરૂઆતમાં તેના શ્રેષ્ઠ ફોર્મમાં પાછા ફરવું ખૂબ મુશ્કેલ હશે. પરંતુ તેનું માનવું છે કે જ્યારે તે વધુ ને વધુ બેટિંગ કરવાનું શરૂ કરશે તો મેચની સ્થિતિ અનુસાર તેના ઘૂંટણ વધુ સારી રીતે વળી શકશે. ડિસેમ્બર 2022 માં કાર અકસ્માતમાં ખરાબ રીતે ઘાયલ થયેલા પંત ઘણા મહિનાઓ પછી ક્રિકેટમાં પાછા ફરશે.
એવામાં હવે અનુભવી ક્રિકેટર સુનીલ ગાવસ્કરે પંતની બેટિંગ પર ચિંતા વ્યક્ત કરતાં કહ્યું કે, 'પંતની વાપસી ખૂબ મુશ્કેલ હશે. પરંતુ સારી વાત એ છે કે તેણે થોડું ક્રિકેટ રમ્યું છે. તેણે થોડી પ્રેક્ટિસ કરી છે. જો કે મેદાન પર એક સાથે ફલોમાં બેટિંગ કરવી થોડી મુશ્કેલ હશે.'
તેણે કહ્યું, 'જ્યારે તમે ઘૂંટણની ઈજા વિશે વાત કરો છો, ત્યારે ઘૂંટણમાં જે મૂવમેન્ટ થાય છે તેની અસર થાય છે. વિકેટકીપિંગ પણ મુશ્કેલ છે. પરંતુ બેટિંગમાં ઘૂંટણનું ખૂબ મહત્વ છે. તેથી, શક્ય છે કે શરૂઆતમાં ઋષભ પંતની એ જ બેટિંગ જોવા ન મળે જે આપણે જોતા હતા.'
વધુ વાંચો : મુંબઈ ઈન્ડિયન્સમાંથી ઓસ્ટ્રેલિયાનો ખેલાડી 'આઉટ', પાકિસ્તાનથી આવશે નવો તોફાની બોલર
આ સાથે જ ગાવસ્કરે કહ્યું, 'પંત એક એવો વિકેટકીપર છે જે સ્ટમ્પની પાછળથી મજેદાર ટિપ્પણીઓ કરતો રહે અને સંપૂર્ણ મનોરંજન કરતો રહે છે, કારણ કે વિકેટકીપરનું કામ અલગ-અલગ વાતો કહીને બેટ્સમેનનું ધ્યાન ભટકાવવાનું હોય છે. પરંતુ પંતમાં એટલી ક્ષમતા છે કે તે જે પણ બેટ્સમેનને નિશાન બનાવે છે, તે પણ હસે છે અને એન્જોય કરે છે. પરંતુ જો તેનું ધ્યાન ભટકી જાય તો તે ટીમ માટે ફાયદાકારક છે.'
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
IPL 2024 શરૂ થવામાં માત્ર થોડા દિવસો બાકી છે. આ સિઝનની પ્રથમ મેચ CSK અને RCB વચ્ચે રમાશે. મહેન્દ્ર સિંહ ધોનીની કેપ્ટનશીપવાળી ટીમ ચેન્નાઈ સુપર કિંગ્સ ગત સિઝનમાં ચેમ્પિયન બની હતી. જ્યારે રોયલ ચેલેન્જર્સ બેંગ્લોર એક વખત પણ ટાઈટલ જીતવામાં સફળ રહી નથી. સિઝનની પ્રથમ મેચ રસપ્રદ રહેશે. IPLમાં કુલ 10 ટીમો રમે છે. આ ટીમો જીતે કે હારે, તેનાથી તેમની કમાણી પર બહુ ફરક પડતો નથી. એક રિપોર્ટ અનુસાર, આ ટીમો 400 થી 500 કરોડ રૂપિયા કમાય છે. IPLમાં ખેલાડીઓ મોટી કમાણી કરે છે. આ વખતની હરાજી પર નજર કરીએ તો સૌથી મોંઘો ખેલાડી મિચેલ સ્ટાર્ક હતો. તેને કોલકાતા નાઈટ રાઈડર્સે 24.75 કરોડ રૂપિયામાં ખરીદ્યો હતો. સ્ટાર્ક આઈપીએલ ઈતિહાસનો સૌથી મોંઘો ખેલાડી છે. KKR તેની આવકનો માત્ર એક ભાગ સ્ટાર્ક અને અન્ય ખેલાડીઓ પર ખર્ચ્યો હતો.
IPLની દરેક ટીમની કમાણી 400 થી 500 કરોડ રૂપિયા
જો આપણે આઈપીએલ ટીમોની કમાણી વિશે વાત કરીએ તો તે ઘણી વધારે છે. બિઝનેસ લાઈને માર્ચ 2023માં ડી એન્ડ પી એડવાઈઝરીના મેનેજિંગ પાર્ટનર સંતોષ એન સાથેનો ઈન્ટરવ્યુ પ્રકાશિત કર્યો હતો. આ હિસાબે IPLનો સેન્ટ્રલ પૂલ 9000 થી 10000 કરોડ રૂપિયાની આસપાસ છે. તેનો 50 ટકા હિસ્સો ટીમો વચ્ચે વહેંચાયેલો છે. આ હિસાબે દરેક ટીમને લગભગ 450 થી 500 કરોડ રૂપિયા મળે છે.
IPLમાં કમાણીનાં માધ્યમ શું છે ?
IPLમાં ફ્રેન્ચાઇઝી અને લીગ પાસે કમાણીનાં ઘણા સ્ત્રોત છે. આનો મોટો ભાગ મીડિયા પ્રસારણ અધિકારોમાંથી આવે છે. આઈપીએલના રાઈટ્સમાંથી મોટી કમાણી થઈ હતી. આ અધિકારો 5 વર્ષથી વેચવામાં આવ્યા છે. IPL સ્પોન્સરશિપથી પણ સારી એવી કમાણી કરે છે. દરેક ટીમની જર્સી પર સ્પોન્સર્સના લોગો છપાયેલા હોય છે. આ સાથે મેચ દરમિયાન સ્ટેડિયમમાં ઘણી જગ્યાએ જાહેરાતો લગાવવામાં આવે છે.
વધુ વાંચો : મુંબઈ ઈન્ડિયન્સમાંથી ઓસ્ટ્રેલિયાનો ખેલાડી 'આઉટ', પાકિસ્તાનથી આવશે નવો તોફાની બોલર
ખેલાડીઓ પર કેટલો ખર્ચ થાય છે?
જો ખેલાડીઓના ખર્ચની વાત કરીએ તો તે આવક કરતા ઘણો ઓછો છે. દરેક ટીમ હરાજી માટે 100 કરોડ રૂપિયાનું પર્સ રાખે છે. આમાં તેણે પોતાના માટે ખેલાડીઓ ખરીદવા પડશે. આ ખર્ચની સાથે ટીમ હોટલ, ફૂડ અને એસેસરીઝ પર પણ ખર્ચ થાય છે. પરંતુ આ તમામ ખર્ચ આવક કરતા ઓછો છે.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
ઈન્ડિયન પ્રીમિયર લીગ 2024ની સિઝન શરૂ થવાના 4 દિવસ પહેલા જ હાર્દિક પંડ્યાની કપ્તાનીવાળી મુંબઈ ઈન્ડિયન્સને મોટો આંચકો લાગ્યો છે. ટૂર્નામેન્ટની તૈયારી કરી રહેલ 5 વખતની ચેમ્પિયન મુંબઈનો મહત્વનો બોલર બહાર થઈ ગયો છે. ગત સિઝનમાં મુંબઈ માટે સારૂ પ્રદર્શન કરનાર ડાબોડી ઓસ્ટ્રેલિયન ઝડપી બોલર જેસન બેહરેનડોર્ફ ઈજાના કારણે ટુર્નામેન્ટમાંથી બહાર થઈ ગયો છે. બેહરનડોર્ફની જગ્યાએ મુંબઈએ બીજા ડાબા હાથના ફાસ્ટ બોલરને બોલાવ્યો છે, જે થોડા દિવસો પહેલા જ પાકિસ્તાનમાં બાબર આઝમની ટીમ માટે પોતાની પ્રતિભા બતાવી રહ્યો હતો.
𝗨𝗣𝗗𝗔𝗧𝗘: Luke Wood replaces injured Jason Behrendorff.
— Mumbai Indians (@mipaltan) March 18, 2024
Wishing Jason a speedy recovery 💙#OneFamily #MumbaiIndians @lwood_95 pic.twitter.com/PoerY91O88
મુંબઈ ઈન્ડિયન્સે સોમવારે 18 માર્ચના રોજ એક ટ્વિટમાં જણાવ્યું હતું કે બેહરનડોર્ફ ઈજાને કારણે ટૂર્નામેન્ટમાં ભાગ લઈ શકશે નહીં. ઓસ્ટ્રેલિયાના આ ડાબા હાથના ફાસ્ટ બોલરે ગત સિઝનમાં મુંબઈ માટે 12 મેચમાં 14 વિકેટ ઝડપી હતી અને ટીમને પ્લેઓફમાં લઈ જવામાં મહત્વની ભૂમિકા ભજવી હતી. હવે તેના સ્થાને મુંબઈએ ઈંગ્લેન્ડના લેફ્ટ આર્મ ફાસ્ટ બોલર લ્યુક વૂડને ટીમમાં સામેલ કર્યો છે. વુડ તેની મૂળ કિંમત રૂ. 50 લાખ પર ટીમ સાથે જોડાશે.
તોફાની ઝડપ વુડની વિશેષતા છે
ઈંગ્લેન્ડનો 28 વર્ષનો લ્યુક વુડ પહેલીવાર IPLમાં રમતા જોવા મળશે. આ પહેલા તે કોઈપણ ટીમની ટીમનો ભાગ પણ નહોતો. જ્યારે બેહરેનડોર્ફ મધ્યમ ગતિ સાથે તેની ચોક્કસ લાઇન-લેન્થને કારણે પ્રભાવ પાડે છે, ત્યારે લ્યુક વુડ તેની ઝડપી ગતિથી બેટ્સમેનોને છેતરવાની ક્ષમતા ધરાવે છે. તે સતત 140 થી 150 કિલોમીટર પ્રતિ કલાકની ઝડપે બોલિંગ કરે છે.
વધુ વાંચો : IPL શરૂ થાય એ પહેલા જ ગુજરાત ટાયટન્સનો આ બોલર ફૂલ ફોર્મમાં, મચાવી આયર્લેન્ડની મેચમાં ધમાલ
પાકિસ્તાનમાં પોતાની શક્તિ દેખાડી
પાકિસ્તાનમાં પોતાની ઝડપ બતાવ્યા બાદ હવે લ્યુક વુડ ભારતમાં પણ આ જ કારનામું બતાવવા આવી રહ્યો છે. બે દિવસ પહેલા જ લ્યુક વૂડ પાકિસ્તાન સુપર લીગમાં બાબર આઝમની કપ્તાની પેશાવર ઝાલ્મી ટીમ તરફથી રમી રહ્યો હતો. અહીં તેણે 11 મેચમાં 12 વિકેટ લીધી હતી અને તે પોતાની ટીમનો સૌથી સફળ બોલર હતો. જોકે, તે ટીમને ફાઇનલમાં લઈ જઈ શક્યો ન હતો અને ટીમ એલિમિનેટરમાં હારીને ટુર્નામેન્ટમાંથી બહાર થઈ ગઈ હતી. લ્યુક વૂડ ઈંગ્લેન્ડ તરફથી ટી20 ક્રિકેટ પણ રમી ચૂક્યો છે. આ બોલરે 5 T20 ઈન્ટરનેશનલ મેચમાં 8 વિકેટ લીધી છે. જોકે, 2 ODI મેચમાં તેની બેગ ખાલી રહી હતી. કુલ મળીને વુડે 140 T20 મેચમાં 147 વિકેટ લીધી છે. મુંબઈ ઈન્ડિયન્સની વાત કરીએ તો, 5 વખતની ચેમ્પિયન ટીમની પ્રથમ મેચ 24 માર્ચ, રવિવારે ગુજરાત ટાઇટન્સ સામે થશે.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
શ્રીલંકા સામેની 3 વનડે શ્રેણીમાં બાંગ્લાદેશના 4 ખેલાડીઓ ઈજાગ્રસ્ત થયા છે. ચારમાંથી બે ખેલાડીઓ માત્ર 3 ઓવરમાં જ ઈજાગ્રસ્ત થયા હતા. તેને એવી ઈજા થઈ હતી કે તેને સ્ટ્રેચર પર મેદાનની બહાર લઈ જવો પડ્યા હતા. મતલબ કે પીડાને કારણે તે ચાલી પણ શકતો ન હતો. આ બે ખરાબ રીતે ઘાયલ બાંગ્લાદેશી ખેલાડીઓના નામ મુસ્તાફિઝુર રહેમાન અને ઝેકર અલી છે. તેમાંથી વિકેટકીપર જેકર અલીની હાલત વધુ ગંભીર જણાતી હતી, જેને તાત્કાલિક હોસ્પિટલમાં લઈ જવામાં આવ્યો હતો.
હવે ચાલો જાણીએ કે મુસ્તફિઝુર રહેમાન અને જેકર અલી કેવી રીતે ઘાયલ થયા. શ્રીલંકા સામેની ત્રીજી ODI દરમિયાન ડાબા હાથના ફાસ્ટ બોલરને ખેંચાણ આવી, જેનું દર્દ તેના માટે અસહ્ય બન્યું અને તેને સ્ટ્રેચર પર મેદાનની બહાર લઈ જવામાં આવ્યો. પરંતુ અનકેપ્ડ વિકેટકીપર બેટ્સમેન જેકર અલી મેદાન પર અથડામણમાં ઘાયલ થયો હતો. વાસ્તવમાં કેચ પકડવાનો પ્રયાસ કરતી વખતે તે તેના સાથી ખેલાડી અનામુલ હક સાથે અથડાઈ ગયો, જેના કારણે તેને ગંભીર ઈજા થઈ. અનામુલ હકને પણ ઈજા થઈ હતી પરંતુ તે મામૂલી હતી.
3 ઓવરમાં 2 ખેલાડીઓ ઘાયલ થયા
મુસ્તાફિઝુર રહેમાન 48મી ઓવરમાં ઈજાગ્રસ્ત થયો હતો. જ્યારે જેકર અલી 50મી ઓવરમાં ઈજાગ્રસ્ત થયો હતો. મતલબ કે આ બંને ખેલાડીઓ માત્ર 3 ઓવરમાં જ ઈજાગ્રસ્ત થઈ ગયા હતા. જેકર અલીને મુસ્તાફિઝુરની જેમ સ્ટ્રેચર પર મેદાનની બહાર લઈ જવામાં આવ્યો એટલું જ નહીં, તેની ઈજાની ગંભીરતાને ધ્યાનમાં લઈને તેને હોસ્પિટલ પણ લઈ જવામાં આવ્યો.
વધુ વાંચો : IPL શરૂ થાય એ પહેલા જ ગુજરાત ટાયટન્સનો આ બોલર ફૂલ ફોર્મમાં, મચાવી આયર્લેન્ડની મેચમાં ધમાલ
એડવર્ટાઈઝમેન્ટ બોર્ડ સાથે અથડાતાં સૌમ્ય સરકાર ઘાયલ થયો
બાંગ્લાદેશ માટે મેદાન પરનો સમય સારો રહ્યો ન હતો. કારણ કે મુસ્તફિઝુર અને જેકર અલી સિવાય બે અન્ય ખેલાડીઓ ઈજાગ્રસ્ત થયા હતા. આમાં સૌમ્યા સરકાર હતો, જેણે બોલને રોકવાનો પ્રયાસ કરતી વખતે મેદાન પર લગાવેલા જાહેરાત બોર્ડ પર તેની ગરદન વાગી હતી અને તે ઘાયલ થઈ ગયો હતો. જ્યાં સુધી મેચની વાત છે, શ્રીલંકાએ બાંગ્લાદેશ સામે પ્રથમ બેટિંગ કરી અને 50 ઓવરમાં 235 રન બનાવ્યા. બાંગ્લાદેશ તરફથી તસ્કીન અહેમદે 3 વિકેટ ઝડપી હતી, તે સૌથી સફળ બોલર હતો. બાંગ્લાદેશે 3 ODI શ્રેણીની પ્રથમ મેચ જીતી હતી. જ્યારે શ્રીલંકાએ બીજી વનડે જીતી હતી.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
અત્યારે ઈલેક્ટોરલ બોન્ડને લઈને રાજકારણ ગરમાયું છે. એ તો જાણીતું જ છે કે સુપ્રીમ કોર્ટથી લઈને ચૂંટણી પંચ આના પર કડક કાર્યવાહી કરી રહ્યા છે. સુપ્રીમ કોર્ટે સ્ટેટ બેંક ઓફ ઈન્ડિયા એટલે કે SBIને પણ ફટકાર લગાવી હતી, કારણ કે બેંકે ચૂંટણી પંચને ઈલેક્ટોરલ બોન્ડ વિશે માહિતી આપી ન હતી.
BIG NEWS:
— The Analyzer (News Updates🗞️) (@Indian_Analyzer) March 17, 2024
Leading IPL Franchise Chennai Super Kings (CSK) donated Crores of rupees to AIADMK through Electoral Bonds. pic.twitter.com/AC5TeTpvG6
એવામાં જાણીતું છે કે ઘણી કંપનીઓએ ઈલેક્ટોરલ બોન્ડ દ્વારા દેશની પાર્ટીઓને ફંડિંગ આપ્યું હતું, જેના વિશે ખુલાસો થઈ રહ્યો છે. આ દરમિયાન સમાચાર સામે આવ્યા છે કે ચેન્નાઈ સુપર કિંગ્સ એટલે કે CSKએ પણ એક પાર્ટીને જંગી ફંડિંગ આપ્યું હતું. આ માહિતીએ બધાને ચોંકાવી દીધા છે.
ચૂંટણી પંચ દ્વારા જાહેર કરવામાં આવેલા આંકડામાં ચેન્નાઈ સુપર કિંગ્સનું નામ પણ સામેલ છે. અગ્રણી IPL ફ્રેન્ચાઇઝી ચેન્નાઇ સુપર કિંગ્સ (CSK) એ AIADMKને ચૂંટણી બોન્ડ દ્વારા કરોડો રૂપિયાનું દાન આપ્યું છે. ચેન્નાઈ સુપર કિંગ્સ 'ચેન્નઈ સુપર કિંગ્સ ક્રિકેટ લિમિટેડ' નામની કંપની દ્વારા ચલાવવામાં આવે છે, જેની મૂળ સંસ્થા ઈન્ડિયા સિમેન્ટ છે, જેના માલિક એન શ્રીનિવાસન છે. જેણે ચૂંટણી બોન્ડ્સ દ્વારા AIADMKને ચૂંટણી દાન આપ્યું છે.
Big Breaking⚡
— Anshuman Singh (@indiancrusher) March 17, 2024
CSK team and its parent company India Cements have donated Rs.6crore and ₹ 10 crs to DMK and AIDMK respective through #ElectoralBonds #CSK pic.twitter.com/KG2gEjojvz
ચેન્નાઈ સુપર કિંગ્સ ક્રિકેટ લિમિટેડે પોતે 'ઓલ ઈન્ડિયા અન્ના દ્રવિડ મુનેત્ર કઝગમ' એટલે કે તમિલનાડુની AIADMK પાર્ટીને ચૂંટણી બોન્ડ દ્વારા દાન આપ્યું હતું. અહેવાલ મુજબ, AIADMKને ચૂંટણી બોન્ડ દ્વારા કુલ રૂ. 6.05 કરોડ મળ્યા હતા. તેમાંથી લગભગ 90 ટકા પૈસા CSK ક્રિકેટ લિમિટેડ (ઇન્ડિયા સિમેન્ટ લિમિટેડના ડિરેક્ટર) પાસેથી આવ્યા છે.
વધુ વાંચો: શું છે ઈલેક્ટોરલ બોન્ડ? જેની પર સુપ્રીમ કોર્ટે લગાવ્યો પ્રતિબંધ, 5 સવાલના જવાબમાં જાણો આ વિવાદ
ચેન્નાઈ સુપર કિંગ્સ ક્રિકેટ લિમિટેડે બે દિવસમાં AIDMKને 5 કરોડ રૂપિયાનું દાન આપ્યું છે. આ રકમ 2 થી 4 એપ્રિલ 2019 વચ્ચે આપવામાં આવી હતી. જો કે, તે પછી પાર્ટીને CSK ક્રિકેટ લિમિટેડ તરફથી કોઈ પૈસા મળ્યા નથી. જાણીતું છે કે ડીએમકેને ઈલેક્ટોરલ બોન્ડ દ્વારા રૂ. 656.6 કરોડ મળ્યા હતા.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
IPL 2024ની શરૂઆત ટૂંક સમયમાં જ થવાની છે. ઘણા પ્લેયર્સે તેના માટે પ્રેક્ટિસ પણ શરૂ કરી દીધી છે. IPL પહેલા ઘણા ખેલાડી ફોર્મમાં પાછા આવી ગયા છે. રાશિદ ખાનનું નામ પણ આ લિસ્ટમાં શામેલ થઈ ગયું છે. આયરલેન્ડના સામે રમાઈ રહેલા રાશિદ ખાન ટી20 સારિઝમાં કમાલનું પ્રદર્શન કરી રહ્યા છે. રાશિદ ખાનનું આ ફોર્મ આઈપીએલમાં ગુજરાત ટાઈટન્સ માટે કારગર સાબિત થઈ શકે છે.
રાશિદ ખાને 4 વિકેટ લીધી
હકીકતે રાશિદ ખાને આયરલેન્ડના સામે બીજી ટી20 મેચમાં શાનદાર બોલિંગ કરતા કુલ 4 વિકેટ લીધી છે. ભલે તે હેટ્રિકથી ચુકી ગયા પરંતુ તેમની બોલિંગ કમાલની રહી. રાશિદે આ સમયે કુલ 4 વિકેટ લીધી. સૌથી પહેલી વિકેટ તેમણે વિકેટકીપર લોર્કન ટકરની લીધી. ત્યાર બાદ રાશિદે હૈરી ટેક્ટર, જોર્જ ટોકરેલ અને માર્ક અડાયરની પણ વિકેટ લીધી. અફઘાનિસ્તાન આ મેચ 10 રનથી જીત્યું.
રાશિદ ખાને અત્યાર સુધી આઈપીએલમાં કુલ 109 મેચ રમી છે. એવામાં તેમણે કુલ 139 વિકેટ લીધી છે. વર્ષ 2022માં મોંઘી રકમ આપીને ગુજરાતે તેમને પોતાની ટીમમાં શામેલ કર્યા હતા. જેના બાદથી તે આ ટીમ માટે સતત સારૂ પરફોર્મ કરી રહ્યા છે. એ જોવું રસપ્રદ હશે કે તે આ સીઝન કેવી રીતે પરફોર્મ કરે છે.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
WPL 2024ની ફાઈનલ ગઈકાલે દિલ્હીમાં રમાઈ ગઈ. જેમાં દિલ્હીની ટીમને હરાવીને રોયલ ચેલેન્જર્સ બેંગ્લોરે પહેલીવાર ટાઈટલ જીત્યું. આ સાથે જ દિલ્હી બે વખત ફાઈનલમાં આવીને ટુર્નામેન્ટ હારી ગઈ. ગઈ સિઝનમાં મુંબઈ ઈન્ડિયન્સ અને હવે રોયલ ચેલેન્જર્સ બેંગ્લોરે તેનું સપનું તોડયું છે. દિલ્હીને વન સાઈડેડ મેચમાં હરાવીને, રોયલ ચેલેન્જર્સ બેંગ્લોરે જીત હાસિલ કરી છે. RCB ફ્રેન્ચાઇસનો કોઈ પણ લીગમાં આ પહેલો ખિતાબ છે. WPL લીગ જીતવાની સાથે જ RCB પર પૈસાનો વરસાદ થયો છે.
We’re coming home, we’re coming home, tell the world we’re coming home… 🕺💃🏻🪩🎵#PlayBold #ನಮ್ಮRCB #SheIsBold #WPL2024 pic.twitter.com/BuBNdQZPSy
— Royal Challengers Bangalore (@RCBTweets) March 18, 2024
મળ્યા અધધધ રૂપિયા
મહિલા પ્રિમિયર લીગ જીતવા પર RCBને WPLની ટ્રોફી અને તેની સાથે ઇનામની રકમ પણ મળી. ઇનામના રકમ તરીકે ટીમને કુલ 6 કરોડ રૂપિયા મળ્યા છે. તો રનર અપ દિલ્હી કેપિટલ્સની ટીમના હાથ પણ ખાલી નથી. દિલ્હીની ટીમ ફાઈનલમાં ભલે હારી ગઈ હોય, પરંતુ રનર અપ બનવા બદલ ટીમને 3 કરોડ રૂપિયાની પ્રાઈઝ મની મળી છે.
A big 𝗪 for this TEAM ❤️🏆 pic.twitter.com/OiQRq7c8bE
— Royal Challengers Bangalore (@RCBTweets) March 17, 2024
કેવી રહી WPLની ફાઈનલ મેચ?
જો ફાઈનલ મેચની વાત કરીએ તો દિલ્હી કેપિટલ્સની બેટિંગ નબળી રહી હતી. ટોસ જીતીને બેટિંગ કર્યા બાદ ટીમની શરૂઆત તો સારી રહી, પરંતુ આરસીબીના સ્પિનર્સ ત્રાટક્યા અને દિલ્હીની ટીમ ધરાશાયી થઈ ગઈ. પહેલા બેટિંગ કરતા દિલ્હી કેપિટલ્સ 18.3 ઓવરમં 113 રન બનાવીને ઓલઆઉટ થઈ ગઈ. દિલ્હી તરફથી સ્ટાર ખેલાડી શેફાલી વર્માએ 27 બોલમાં 44 રનની ઈનિંગ રમી હતી. તો 114નાં ટારગેટનાં જવાબમાં RCBની કેપ્ટન સ્મૃતિએ સારી શરૂઆત કરી 31 રન કર્યા, જ્યારે સોફી ડિવાઈને 32 રનની ઈનિંગ રમી . આ પછી એલિસ પેરીએ 35 રન અને રિચા ઘોષે 17 રન બનાવીને મેચ જીતાડી હતી.
વધુ વાંચો: 'જો RCB મેન્સ ટીમ…', રોયલ ચેલેન્જર્સ બેંગ્લોર ચેમ્પિયન બનતા જ Vijay Mallyaની પોસ્ટે ચર્ચા જગાવી
આખરે RCB ખિતાબ જીત્યો
RCBની ટીમ મહિલા પ્રિમિયર લીગ સિવાય આઈપીએલમાં જ રમે છે. ત્રણ વખત આઈપીએલના ફાઈનલમાં પહોચ્યા પછી પણ એક વખત પણ RCB ટ્રોફી જીતી શખી નથી. જોકે મહિલા પ્રિમિયર લીગમાં RCBની ટીમે પહેલો ખિતાબ તેના નામ પર કરી લીધો છે.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
RCBએ WPL 2024નો ખિતાબ જીતી લીધો છે અને આ સાથે 2008 થી RCB ચાહકોની રાહ પણ પૂરી થઈ ગઈ. RCBએ ફાઇનલમાં ડીસીને આઠ વિકેટે હરાવ્યું એ બાદ સોશિયલ મીડિયા પર આ ટૉપિક ચર્ચાનો વિષય બની ગયો હતો.
A big 𝗪 for this TEAM ❤️🏆 pic.twitter.com/OiQRq7c8bE
— Royal Challengers Bangalore (@RCBTweets) March 17, 2024
ટૂર્નામેન્ટની ફાઈનલ મેચ રવિવારે (17 માર્ચ) દિલ્હીના અરુણ જેટલી સ્ટેડિયમમાં રમાઈ હતી. આ મેચમાં RCBએ દિલ્હી કેપિટલ્સને 8 વિકેટે હરાવીને ટાઈટલ જીત્યું હતું. RCBની જીત બાદ સોશિયલ મીડિયા પર ઘણા લોકોએ પોસ્ટ કરી હતી પણ એક એવા વ્યક્તિએ RCB ટીમને અભિનંદન પાઠવ્યા કે તે લોકો વચ્ચે ચર્ચાનો વિષય બની ગયા.
ગઇકાલે મેચ બાદ વિજય માલ્યાએ X પર એક પોસ્ટ દ્વારા રોયલ ચેલેન્જર્સ બેંગ્લોરને અભિનંદન પાઠવ્યા હતા. માલ્યાએ લખ્યું- WPL જીતવા માટે RCB મહિલા ટીમને હાર્દિક અભિનંદન. જો RCB મેન્સ ટીમ લાંબા સમયથી રાહ જોવાતી IPL જીતે તો તે આ ખુશી ડબલ થઇ જશે. વિજય માલ્યાના આ ટ્વીટ પર લોકોએ તેમને જોરદાર ટ્રોલ કરી રહ્યા છે.
Heartiest congratulations to the RCB Women’s Team for winning the WPL. It would be a fantastic double if the RCB Men’s Team won the IPL which is long overdue. Good Luck.
— Vijay Mallya (@TheVijayMallya) March 17, 2024
જાણીતું છે કે બેંકમાંથી કરોડો રૂપિયાની લોન લઈને ભારત છોડીને ભાગી ગયેલો ભાગેડુ વિજય માલ્યા RCB ટીમનો જૂનો માલિક છે. બાદમાં તે ભારત ભાગી ગયો હતો. હવે જ્યારે બેંગ્લોરની ટીમ WPL 2024ની ફાઈનલ જીતી ગઈ છે ત્યારે વિજય માલ્યાએ ટ્વીટ કરીને ટીમને અભિનંદન પાઠવ્યા છે.
જો ફાઇનલ મેચ વિશે વાત કરીએ તો દિલ્હીએ ટોસ જીતીને પ્રથમ બેટિંગ કરવાનો નિર્ણય કર્યો. ઓપનરોએ શાનદાર બેટિંગ કરી હતી પરંતુ ધીરે ધીરે વિકેટો પડતી રહીને અને ટીમ 20 ઓવરમાં 113 રનમાં સમેટાઈ ગઈ હતી. અને પછી બેંગ્લોરે કોઈ પણ પ્રકારની ઉતાવળ કર્યા વિના ખૂબ જ આરામથી મેચ જીતી લીધી. આરસીબીએ માત્ર બે વિકેટ ગુમાવીને જીતવા માટે જરૂરી રન બનાવ્યા હતા.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
જ્યાં જુઓ ત્યાં લોકો RCBના ચેમ્પિયન બનવાનું નામ લઈ રહ્યા છે. પહેલી વખત આ ટીમે ટ્રોફી જીતી છે. IPL નહીં પરંતુ RCBની ટીમ હવે WPLની નવી ચેમ્પિયન છે. ચેમ્પિયન એટલે કે બેસ્ટ, પરંતુ સૌરવ ગાંગુલી આ ટીમને બેસ્ટ ટીમ નથી માનતા. પોતાના એક્સ-હેન્ડલ પર તેમણે પોતાના મનની વાત લખી છે.
RCBને બેસ્ટ નથી માનતા સૌરવ ગાંગુલી
WPL 2024ની ફાઈનલ પુરી થયા બાદ સૌરવ ગાંગુલીએ એક્સ-હેન્ડલ પર RCBના વખાણ તો કર્યા પરંતુ ચેમ્પિયન બન્યા બાદ પણ તેને ટૂર્નામેન્ટની બેસ્ટ ટીમ ન માની. ગાંગુલી અનુસાર દિલ્હી કેપિટલ્સ ટૂર્નામેન્ટની બેસ્ટ ટીમ છે. ગાંગુલીએ લખ્યું- વેલ ડન દિલ્હી કેપિટલ્સ. ભલે ટ્રોફી ફેવરમાં નથી. પરંતુ બેક ટૂ બેક ફાઈનલ રમવી પરણ મોટી વાત છે. તેના માટે મેગ લેનિંગ અને તેની ટીમના જેટલા વખાણ કરવામાં આવે તે ઓછા છે.
Well done delhi capitals .. Two back to back finals .. the trophy may not have come our way .. but we will get to finals again and win .. well done megh lanning and the team.. u we’re the best team in the tournament.. well done RCB .. to come back from 3rd team in the league to…
— Sourav Ganguly (@SGanguly99) March 17, 2024
લીગની ત્રીજી ટીમ
ગાંગુલીએ RCBના વખાણ કર્યા ખાસ કરીને એ અપ્રોચ માટે જેના દમ પર તેણે લીગની ત્રીજી ટીમથી ચેમ્પિયન બનવાની સફર પુરી કરી અને આ વચ્ચે લિસ્ટમાં પોતાનાથી ઉપર બે ટીમોને 3 દિવસમાં ધૂળ ચટાવી.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો