આ મોટી કંપનીએ હાર્દિક પંડ્યાને બનાવ્યો પોતાનો બ્રાન્ડ એમ્બેસેડર

ગ્રાહકોને શ્રેષ્ઠ રેસ્ટોરન્ટ ડીલ આપનાર કંપની Zaggleએ ભારતીય ક્રિકેટ ટીમના યંગ સ્ટાર હાર્દિક પંડ્યાને પોતાનો બ્રાન્ડ એમ્બેસેડર બનાવ્યો છે. આ સાથે જ પંડ્યા જેગલના પ્રોડક્ટ્સનો પ્રચાર કરશે. આ કંપની કોર્પોરેટ કાર્ડ ગ્રુપ ડિઝાઇનિંગ ડીલ્સ અને રિવોર્ડ્સ અને લોયલ્ટી સિસ્ટમ પૂરી પાડે છે.

કંપની સાથે જોડાવા અંગે પંડ્યાએ જણાવ્યું કે ''હું Zaggle સાથે જોડાઇને ખુબ જ ખુશ છું. આ બ્રાંડ લોકોને પેમેન્ટ કરવા માટે અલગ અલગ પદ્ધતિઓ સર્વશ્રેષ્ઠ રેસ્ટોરન્ટ અંગે જણાવે છે. ખાવાનો શોખ હોવાના કારણે હું અવાર નવાર નવા રેસ્ટોરન્ટ્સ શોધતો હોઉં છું અને Zaggle ની સર્વિસ અને નવી પદ્ધતિઓનો ઉપયોગ કરતાં બચત પણ થાય છે તથા નવી ડિલ્સ પણ મળે છે.''

કહેવામાં આવી રહ્યું છે કે Zaggle  માટેની એડવરટાઇઝમેન્ટમાં હાર્દિક એક રોકસ્ટારના અંદાજમાં જોવા મળશે.

ઉલ્લેખનીય છે કે પોર્ટ એલિઝાબેથમાં ભારત અને સાઉથ આફ્રિકા વચ્ચે રમાયેલી પાંચમી વનડેમાં હાર્દિક પંડ્યાએ શાનદાર પ્રદર્શન કર્યું હતું. આ મેચમાં તેણે હાશિમ અમલાને કરેલું રન આઉટ આ મેચ માટે નિર્ણાયક સાબિત થયું હતું. 

હાર્દિક પંડ્યાએ 35મી ઑવરની ચોથી બૉલ પર હાશિમ અમલાને રન આઉટ કરી દીધો જે મેચનો ટર્નિંગ પોઇન્ટ સાબિત થયો. પંડ્યાનો આ થ્રો સાઉથ આફ્રિકા માટે મોંઘોં સાબિત થયો. અમલાને આઉટ થતા જ સાઉથ આફ્રિકાએ બાકીની 6 વિકેટ 35 રનની અંદર ગુમાવી દીધી અને 201 રનના ઑલઆઉટ થઇ ગઇ. 

આ તરફ ટીમ ઇન્ડિયા સાઉથ આફ્રિકા વિરુદ્ઘની 6 મેચની સીરિઝમાં 4-1થી આગળ છે.