પોતાના રૂપિયાને લઇને તમામ લોકો ઇચ્છે છે કે જલ્દીથી જલ્દી તે બમણા થઇ જાય. આ માટે લોકો તમામ પ્રકારની પ્લાનિંગ કરીને અલગ-અલગ સ્કીમમાં રૂપિયા ઇનવેસ્ટ કરે છે. પરંતુ કોઇને તે નથી ખબર હોતી કે ક્યારે રૂપિયા બમણા થશે. સૌથી વધારે મ્યુયુઅલ ફંડમાં રૂપિયા બમણા થયા છે પરંતુ લોકો ત્યાં ઇનવેસ્ટ કરવામાં વિશ્વાસ નથી કરતા અને શૅર માર્કેટના રિસ્કથી દૂર રહેવા ઇચ્છે છે. એવામાં તમારી પાસે માત્ર બેંક અને પોસ્ટ ઑફિસનો જ ઑપ્શન રહે છે ઘણા લોકોને તે પણ નથી ખબર હોતી કે રૂપિયા પોસ્ટ ઑફિસમાં બમણા થશે કે પછી બેંકમાં.. અમે તમને જણાવી દઇએ કે બેંકની સરખામણીએ પોસ્ટ ઑફિસમાં રૂપિયા જલ્દી બમણા થઇ જાય છે.
બેંક FDમાં રૂપિયા હોય તો 12 વર્ષમાં બમણા:
બેંકમાં FD કરાવવા પર લોકોના રૂપિયા 12 વર્ષમાં બમણા થાય છે. SBI હાલમાં 5-10 વર્ષ સુધીની FD પર 6% વ્યાજ આપે છે. આ વ્યાજ દરમાં ઇનવેસ્ટ કરેવામાં આવેલા 1 લાખ રૂપિયા 12 વર્ષમાં 2 લાખ રૂપિયાથી કેટલાક વધી જશે.
SBIમા FD કરવા પર:
6% વ્યાજ (5-10 વર્ષની FD પર)
1 લાખ રૂપિયાનું ઇનવેસ્ટમેન્ટ
12 વર્ષમાં થશે 2 લાખ રૂપિયાથી વધારે
પોસ્ટ ઑફિસમાં 10 વર્ષમાં થશે બમણા:
બેંકની સરખામણીમાં પોસ્ટ ઓફિસમાં રૂપિયા 10 વર્ષમાં બમણા થઇ જશે. પોસ્ટ ઓફિસમાં 5 વર્ષની ટાઇમ ડિપોઝિટમાં હાલમાં 7.6% વ્યાજ છે. ટાઇમ ડિપોઝિટમાં એક વારમાં અધિકતમ 5 વર્ષ માટે કરાવી શકાય છે. એવામાં એક વખતમાં જમા અને વ્યાજની સાથે જે રૂપિયા મળે અને ફરી તેણે જમા કરાવવામાં આવે તો 10 વર્ષમાં પોસ્ટ ઑફિસમાં બમણા થઇ જશે.