વિકેટકીપર સાહા આ મામલામાં બન્યો નંબર 1 ધોનીને છોડ્યો પાછળ

ટીમ ઇન્ડિયાના વિકેટકીપર રિદ્ધીમાન સાહાએ મોટી સિદ્ઘિ મેળવી છે. સાઉથ આફ્રિકા વિરુદ્ઘની ટેસ્ટ સીરિઝની પહેલી ટેસ્ટ મેચમાં 10 કેચ ( પહેલી ઇનિંગમાં 5 બીજી ઇનિંગમાં 5) પૂરા કર્યા છે. આ સાથે જ રિદ્ઘીમાન સાહાએ આ કેચ કરીને ઇતિહાસ રચી દીધો છે.

કોઇ ટેસ્ટમાં 10 કેચ કરનારા સાહા દુનિયાના ત્રીજા અને ભારતનો પહેલો વિકેટકીપર છે. સાહાથી પહેલા ઑસ્ટ્રેલિયાના એડમ ગિલક્રિસ્ટ અને ઇંગ્લેન્ડના બૉબ ટેલર 10-10 કેચ પક્ડયા છે. એડમ ગિલક્રિસ્ટે 2000માં ન્યૂઝીલેન્ડ અને ટેલરે 1980માં ભારતની સાથે આ સિદ્ઘિ મેળવી હતી. આમ તો એક ટેસ્ટમાં સર્વાધિક કેચ જેક રસેલ અને એ.બી. ડિવિલયર્સ (11-11)પક્ડયાં છે. 

એક ટેસ્ટમાં સર્વાધિક શિકાર કરનાર વિકેટકીપર:

જેક રસેલ (ઇંગ્લેન્ડ) 11 શિકાર 11 કેચ 0 સ્ટંપ વિરુદ્ઘ સાઉથ આફ્રિકા 1995

એબી. ડિવિલયર્સ (સાઉથ આફ્રિકા) 11 શિકાર 11 કેચ 0 સ્ટંપ વિરુદ્ઘ પાકિસ્તાન 2013

બૉબ ટેલર (ઇંગ્લેન્ડ) 10 શિકાર 10 કેચ 0 સ્ટંપ વિરુદ્ઘ ભારત 1980 

એડમ ગિલક્રિસ્ટ (ઑસ્ટ્રેલિયા) 10 શિકાર 10 કેચ 0 સ્ટંપ વિરુદ્ઘ ન્યૂઝીલેન્ડ 2000

રિદ્ઘીમાન સાહા (ભારત) 10 શિકાર 10 કેચ 0 સ્ટંપ વિરુદ્ઘ સાઉથ આફ્રિકા 2018

સાહા 10 કેચ ઝડપનાર પહેલો ભારતીય વિકેટકીપર બન્યો. આ પહેલા એક ટેસ્ટમાં સર્વાધિક કેચ લેનારનો રેકોર્ડ મહેન્દ્ર સિંહ ધોની અને નયન મોંગિયાના નામે હતો જેમણે 8-8 કેચ પક્ડયા હતા. ધોનએ 2014માં ઑસ્ટ્રેલિયાની વિરુદ્ઘ મેલબર્નમાં અને મોંગિયાએ 1996માં સાઉથ આફ્રિકા વિરુદ્ઘ ડરબન અને 1999માં પાકિસ્તાન વિરુદ્ઘ કોલકાતા 8-8 કેચ પકડ્યા હતા.

ભારતની તરફથી એક ટેસ્ટમાં સર્વાધિક શિકાર (કેચ અને સ્ટંપ) કરનાર વિકેટકીપરની જો વાત કરવામાં આવે તો તેમાં પણ સાહા નંબર 1 વિકેટકીપર બની ગયો છે. તેમણે 10 શિકાર (તમામ કેચ) કરી ધોનીને પાછળ છોડી દીધો છે. ધોનીએ 2014માં મેલબોર્ન ક્રિકેટ ગ્રાઉન્ડમાં ઓસ્ટ્રેલિયા વિરુદ્ધ રમતા 9 શિકાર કર્યા હતા.