ટેક્નોલોજી ક્ષેત્રે પોતાની ખાસ ઓળખ ધરાવતું ચીન આવતા માસથી એટલેકે સપ્ટેમ્બર માસની 21 તારીખથી વિશ્વની એકદમ ઝડપથી દોડનારી બુલેટ ટ્રેઈન દોડાવશે. આ ગાડીનું સફળ પરીક્ષણ પણ કરી લેવામા આવ્યુ છે તેવું રેલવેના ઉચ્ચ અધિકારીએ તાજેતરમાં માહિતી આપી હતી. વધુમા તેમણે જણાવ્યુ હતુ કે આ ટ્રેનથી બેઇજીંગથી શાંઘાઈનું અંતર એક કલાક જેટલું ઘટાશે અને યાત્રીઓ ઝડપથી પોતાના ગંતવ્ય સ્થળે પહોંચી શકશે.
તંત્ર દ્વારા વિશ્વની સુપરફાસ્ટ ગાડીનું નામ ફુક્શિંગ રાખવામા આવ્યુ છે. તંત્રએ આપેલ માહિતી મુજબ ટ્રેનને 21 સપ્ટેમ્બર 2017થી કાર્યરત કરવામાં આવશે. આ ગાડી કુલ 1318 કિમીનું અંતર કાપશે. અને તેની પ્રતિ કલાકની ઝડપ 400 કિલોમીટર પ્રતિ કલાક હશે. ઉલ્લેખનીય છે કે આ પ્રકારની કુલ સાત ટ્રેન ચલાવવાનું ચીન સરકારન દ્વારા આયોજન કરવામા આવ્યુ છે.
ટેક્નોલોજી ક્ષેત્રે પોતાની ખાસ ઓળખ ધરાવતું ચીન ચીનમાં જ બનેલી આ બુલેટ ટ્રેનની એક વિશેષતા એ છે કેસમયમાં ટ્રેનની સ્પીડને જાતે જ ધીમી થઇ જાય તેવી ખાસ વ્યવસ્થા ગોઠવવામાં આવી છે.
ઉલ્લખનીય છે કે હાલમાં ચીનમાં રેલવે નેટવર્ક વિશ્વમાં સૌથી મોટું છે. જેમાં વિશ્વની કુલ વસ્તીના આશરે 60 ટકા જેટલા લોકો મુસાફરી કરે છે.ચીનમાં વિશ્વનો સૌથી લાંબો હાઈસ્પીડ રેલવે માર્ગ પણ બનાવામા આવેલો છે. આ માર્ગ ચીનની રાજધાની બિજીંગ અને દક્ષિણ ચીનના મહાનગર ક્વાંગચોને જોડે છે. આ માર્ગની કુલ લંબાઇ 2298 કિમી છે જેના પર બધી જ ટ્રેન 300 કિમી પ્રતિ કલાકની ઝડપથી ચાલે છે.