દુનિયાની સૌથી મોંઘીં વોડકા બોટલ ચોરી થઇ ગઇ છે. આ બોટલ ડેનમાર્કના કેફે 33માં રાખવામાં આવી હતી. આ કેફે દુનિયાના મોંઘાં દારૂનુ કલેક્શન રાખવા માટે જાણીતું છે.
આ ચોરી થયેલી વોડકાની બોટલની કિંમત 13 લાખ ડૉલર એટલે કે લગભગ 8.25 કરોડ રૂપિયા હોવાનું કહેવામાં આવે છે. આ બોટલ રશિયન કંપની Dartz Motorzએ બનાવી છે. તેનું નામ Russo Baltique Vodka છે.
આ બોટલની વોડકા તો કીમતી હતી જ સાથે સાથે તે એટલા માટે પણ ખાસ હતી કારણ કે આ બોટલ સોના-ચાંદીમાંથી બનાવાઈ છે. તેમાં મોંઘી ડાયમન્ડ્સ પણ જડેલા છે. હવે કેફેના માલિક Brian Engbergએ ફેસબુક પર આ બોટલ ચોરી થઈ હોવાની જાણકારી આપી છે. તેમણે કહ્યું છે કે રાતના સમયે કોઈએ કેફેની ચાવીઓ ચોરીને આ કારનામું કર્યું છે.
વોડકાની બોટલ ચોરી કરનારી વ્યક્તિ સીસીટીવીમાં કેદ થઈ ગઈ છે પરંતુ તેણે મોં પર કપડું બાંધ્યું હોવાથી તેનો ચહેરો સ્પષ્ટ થઈ શક્યો નથી.