વાયરલેસ ચાર્જિંગ માટે તમે છેલ્લા એક વર્ષથી સાંભળતા અને જોતા આવ્યા છો. સેમસંગ અને એપલ જેવી કંપનીઓ પોતાના ફોન સાથે વાયરલેસ ચાર્જિંગ સપોર્ટ આપી રહી છે પરંતુ અત્યાર સુધી માર્કેટમાં અસલી વાયરલેસ ચાર્જર નહતું. હવે એક એવું વાયરલેસ ચાર્જર આવી રહ્યું છે જેનાથી ફોનને 1 ફુટના અંતર પર પણ ચાર્જ કરી શકાશે.
હકીકતમાં MIT એલુમનીમાં અમેરિકી સ્ટાર્ટઅપ પાઇએ દુનિયાનો પહેલો વાયરલેસ ચાર્જર રજૂ કર્યું છે જે ચુંબકીય તરંગોના માધ્યમથી ફોનને ચાર્જ કરી શકે છે. જણાવી દઇએ કે આ ચાર્જર એપ્પલના વાયરલેસ ચાર્જર અને સેમસંગના વાયરલેસ ચાર્જર ટેકનીકથી લેસ છે પરંતુ એમાં એકસ્ટ્રા મેગ્નેટિક ટેકનોલોજી આપવામાં આવી છે.
આ ચાર્જરની કિંમત ભારતમાં આશરે 18 870 રૂપિયા થશે. આ ચાર્જરની મદદથી 1 ફુટના અંતરમાં હાજર ડિવાઇસને ચાર્જ કરવામાં આવશે. હાલમાં આ ચાર્જરને માર્કેટમાં ઉપલબ્ધ કરવામાં આવ્યું નથી.