પાલકને એક સુપર ફૂડ કહેવામાં આવે છે. વાસ્તવમાં પાલકની ભાજીમાંથી શારિરીક વિકાસ માટે આવશ્યક તમામ પોષક તત્વો મળે છે. પાલકની ભાજીમાંથી મિનરલ્સ વિટામિન અને બીજા ઘણા ન્યૂટ્રીએન્ટ્સ મળે છે.
પાલકમાં વિટામિન A C E અને B ભરપૂર માત્રામાં મળે છે. આ સિવાય પાલકમાં મેન્ગેનીઝ કેરોટીન આયરન આયોડીન કેલ્શિયમ મેગ્નેશિયમ પોટેશિયમ સોડિયમ ફોસ્ફરસ અને અમીનો એસિડ પણ મળે છે જે શરીર તેમજ સ્વાસ્થય માટે જરૂરી છે.
આમ તો પાલકનો ઉપયોગ શાક અને સૂપમાં ખૂબ જ થાય છે. કેટલાક લોકો પાલકના પરાઠા પણ પસંદ કરતા હોય છે પરંતુ પાલકની ભાજીમાં રહેલા ન્યૂટ્રીએન્ટ્સનો પણ ફાયદા લેવા ઇચ્છો તો પાલકના જ્યૂસનું સેવન જરૂરથી કરવું જોઇએ.
આ રીતે બનાવો પાલકનો જ્યૂસ:
પાલનનો જ્યૂસ બનાવવા માટે સૌથી પહેલા પાલકની ભાજીને ઘોઇ લો અને ઝીણી સમારી લો. ત્યારબાદ મિક્સરમાં થોડા પાણીની સાથે પાલકની ભાજી નાખી અને મિક્સ કરી લો. ધ્યાન રાખો કે વધારે મિક્સ ન થાય કેમકે તેનાથી ફાઇબર નષ્ટ થઇ જશે. પાલકના જ્યૂસને એક બાઉલમાં નીકાળી લો તેમાં પાણી જીરૂ મરી મીઠું નાખીને મિક્સ કરી લો તેમાં જરૂર પ્રમાણે લીબુંનો રસ પણ નાખી શકો છો.
જાણો પાલકના જ્યૂસ પીવાના ફાયદા:
વજન ઓછું કરવા માટે પાલકનો જ્યૂસ દરરોજ પીવો. તાજેતરમાં થયેલી એક શોધમાં આ વાતની પુષ્ટિ પણ કરવામાં આવી છે કે પાલક ફાઇબર યુક્ત હોય છ જેના કારણે બીજા ખોરાક કરતા તેણે સહેલાઇથી પચાવી શકાય છે.
જો તમને ત્વચા થી જોડાયેલી કોઇ સમસ્યા છે તો પાલકનો જ્યૂસ પીવા માટે ફાયદાકારક રહેશે. પાલકના જ્યૂસ પીવાથી ત્વચા ગ્લો કરશે. પાલકનો જ્યૂસ વાળ માટે પણ ફાયદાકારક સાબિત થાય છે.
પાલકમાં વિટામિનની માત્રા સારા પ્રમાણમાં હોય છે. જે શરીરની સાથે સાથે હાડકાંને પણ મજબૂત કરે છે.
ડાજેસ્ટિવ સિસ્ટમ ઠીક રાખવા માટે પાલકનો જ્યૂસ પીવાની સલાહ આપવામાં આવે છે. જે શરીરમાં ઝેરી પદાર્થોને બહાર નીકાળવવા માટે મદદરૂપ થાય છે. આ સિવાય જો કબજિયાતની સમસ્યા છે તો પાલકનો જ્યૂસ ફાયદાકારક રહેશે.
ગર્ભવતી મહિલાઓને પાલકનો જ્યૂસ પીવાની સલાહ આપવામાં આવે છે. પાલકના જ્યૂસથી ગર્ભવતી મહિલાના શરીરમાં આયરનની ઉણપ ઓછી થાય છે.
કેન્સર જેવી ખતરનાક અને જીવલેણ બિમારીથી જો બચવું હોય તો પાલકના જ્યૂસનું સેવન કરવું જોઇએ.
આ સિવાય આંખોના નંબર ઉતારવવા માટે પણ પાલકના જ્યૂસનું સેવન કરવું જોઇએ.