નવી દિલ્હી: સંસદના શિયાળુ સત્રના પ્રથમ દિવસે INLD સાંસદ દુષ્યંત ચૌટાલાએ સૌનું ધ્યાન પોતાની તરફ ખેંચ્યું હતું. સત્રના પ્રથમ દિવસે ચૌટાલા ટ્રેક્ટર લઇને સદનમાં પહોચ્યા હતા અને ટ્રેક્ટર સાથે તેઓ ઘણા ખુશ જોવા મળ્યા હતા.
એમનું કહેવું છે કે જ્યારે સરકાર એક નોટિફિકેશન જારી કરીને ટ્રેક્ટરને નોન ટ્રેન્સપોર્ટથી ટ્રેન્સપોર્ટ વ્હીકલમાં લાવવાની નોટિફિકેશન જારી કરી દીધી છે તો એ ટ્રેક્ટરને સંસદમાં કેમ ના લઇ જઇ શકે. જો કે સુરક્ષા કર્મીઓએ દુષ્યંત ચૌટાલાને સંસદ પરિસરમાં પ્રવેશવા આપ્યા ન હતા અને ગેટ પાસે જ અટકાવી દીધા હતા.
ચૌટાલા ખેડૂતોના મુદ્દાઓ પર ટ્રેક્ટર લઇને સંસદમાં આવ્યા હતા. દુષ્યંત ચૌટાલાએ કહ્યું કે સરકારનો આ નિર્ણય ખેડૂતો વિરુદ્ધ છે. આ નિર્ણય બાદ ખેડૂતોને ટ્રેક્ટરનો પણ ટોલ ટેક્લ આપવો પડશે.