માત્ર 2 રૂપિયામાં WiFi આપશે આ કંપની JIO ને મળશે મોટી ટક્કર

આ વર્ષની શરૂઆતમાં સરકારી એજન્સી સી-ડોટ તરફથી કહેવામાં આવ્યું છે કે સરકાર નાની દુકાન અને ફેરિયાઓમાં WiFi ડિવાઇસ લગાવવાની તૈયારી કરી રહ્યું છે. હાલમાં એવું કંઇ જોવા મળી રહ્યું નથી. પરંતુ આ પહેલા WiFi ડબ્બો આવી ચુક્યો છે જે સરકારી નહીં પરંતુ ખાનગી છે. JIO આવ્યા બાદથી ડેટા સસ્તો થઇ ગયો છે અને ટેલિકોમ કંપનીઓ ઓછી કિંમત પર વધારે ડેટા આપી રહી છે. 

બેંગ્લોરની એક સ્ટાર્ટઅપ છે જેનું નામ જ વાઇફાઇ ડબ્બા છે. લગભગ એક વર્ષ જૂની આ કંપનીનું માનવું છે કે ભારતમાં હજુ પણ ડેટા મોંઘો છે. કંપનીનું કહેવું છે કે 'અમને વિશ્વાસ છે કે જિયો લોન્ચ થયા બાદ પણ ભારતમાં ડેટાની કિંમત વધારે છે અને હજુ પણ ડેટા સસ્તો કરવાનો મોકો છે. અમે એને વધારે સસ્તો કરવા ઇચ્છીએ છીએ.' 

આ સ્ટાર્ટઅપના કેટલાક ડેટા પ્લાન છે જેની શરૂઆતી કિંમત 2 રૂપિયા છે. 2 રૂપિયામાં 100MB ડેટા મળશે. આ ઉપરાંત 10 રૂપિયાનો પણ પ્લાન છે જેમાં 500MB ડેટા મળશે. 20 રૂપિયામાં 1 GB ડેટા મળશે. ત્રણેય પેકની વેલિડિટી 24 કલાકની છે. JIO ની વાત કરીએ તો એ 19 રૂપિયામાં અનલિમિટેડ વોયસ કોલિંગ સાથે 0.15GB ડેટા આપે છે અને એવી પણ વેલિડિટી એક દિવસની છે.