અમદાવાદ એસ.ટી.સ્ટેન્ડ પર મળશે Wi-Fi સુવિધા

અમદાવાદના ગીતા મંદિર એસ. ટી બસ સ્ટેન્ડ પર હવે પ્રવાસીઓ વાઇ-ફાઇ સુવિધાને માણી શકશે.એસ. ટી. નિગમે નવા બસ સ્ટોપ પર પ્રવાસીઓ તેમના નવરાશના સમયમાં અને વેઇટિંગના સમય દરમિયાન ઇન્ટરનેટનો ઉપયોગ થકી પોતાના અંગત કે વ્યવસાયલક્ષી કામ કરી શકે તે માટે આ સુવિધા ઉપલબ્ધ કરાવવામાં આવી છે. 

જેમાં પ્રવાસીઓ 100 MB સુધી ડેટાનો વિનામૂલ્યે લાભ લઇ શકશે. જે બાદ 1 GB માટે 30 રૂપિયા જ્યારે 300 MB ડેટા માટે 10 રૂપિયાનો ચાર્જ વસુલવામાં આવશે.

BSNL આ વાઇ-ફાઇ સુવિધા પૂરી પાડશે. પહેલીવાર અમદાવાદ બસ સ્ટોપ પર આ પ્રકારે મર્યાદિત ડેટા સુધી ફ્રિ વાઇ-ફાઇ સેવા શરૂ કરવામાં આવી છે. જેને મુસાફરો પણ આવકારી રહ્યાં છે.