સૌથી પહેલા કોણ કરશે 10 હજાર રન - ધોની કોહલી એબી કે ગેલ?

વર્તમાન ક્રિકેટ સ્ટાર્સમાં 10 હજાર વનડે રન બનાવવા માટે એક સ્પર્ધા ચાલી રહી છે. આ કિસ્સામાં ટીમ ઇન્ડિયાના ભૂતપૂર્વ કેપ્ટન મહેન્દ્રસિંહ ધોની સૌથી આગળ છે. આ સિદ્ધિ હાસિલ કરવા માટે ધોનીને માત્ર 33 રન કરવાની જરૂર છે. જ્યારે વિરાટ કોહલીને 412 રનની જરૂર છે. વિરાટ અને ધોની સિવાય આફ્રિકન બેટ્સમેન એ.બી. ડી વિલિયલ્સને 423 રનની જરૂર છે અને ક્રિસ ગેઈલને 580 રનની જરૂર છે.



અત્યાર સુધી 11 બેટ્સમેનોએ ODIની આંતરરાષ્ટ્રીય મેચમાં 10 હજાર રન કર્યા છે. ભારતના સચિન તેંડુલકર (18426 રન) સૌરવ ગાંગુલી (11363) અને રાહુલ દ્રવિડ (10889) એ 10 000 રનથી વધુ રન બનાવ્યા છે.



-મહેન્દ્ર સિંહ ધોની: 272 ઈનિંગ્સ 9967 રન

-વિરાટ કોહલી: 200 ઈનિંગ્સ 9588 રન

એબી ડી વિલિયર્સ: 218 ઇનિંગ 9577 રન

ક્રિસ ગેઇલ: 270 ઇનિંગ 9420 રન



વિરાટ કોહલી હાલ ફોર્મમાં ચાલી રહ્યો છે તે માટે તે દસ હજાર રન સુધી પહોંચવા માટે મોડું કરશે નહીં. દક્ષિણ આફ્રિકામાં ODI શ્રેણીના 6 મેચમાં તેણે 186.00 ની સરેરાશ સાથે 558 રન કર્યા હતા જે દ્વિપક્ષીય વનડે શ્રેણીમાં પોતે એક રેકોર્ડ છે.



દક્ષિણ આફ્રિકાની શ્રેણીની શરૂઆત પહેલાં ધોનીએ 10 000 રન પૂરા કરવા માટે ફક્ત 102 રનની જરૂર હતી પરંતુ તે ચાર ઈનિંગ્સમાં બે વખત નોટ આઉટ રહીને 69 રન કર્યા હતા. આ ઉપરાંત વિકેટ પાછળ તેણે ઘણી સિદ્ધિ મેળવી હતી.