કોણ છે શિંઝો આબે? જાપાનના સૌથી લોકપ્રિય પ્રધાનમંત્રી કેમ છે?

જાપાનના સૌથી લોકપ્રિય પ્રધાનમંત્રી રહી ચૂકેલા શિંઝો આબે ગુજરાતની મુલાકાતે પહોંચ્યા છે. ત્યારે શિંઝો આબે કોણ છે અને જાપાનના રાજકારણમાં તેમનું શું વજૂદ છે જોઈએ આ અહેવાલમાં.

જાપાનના સૌથી લોકપ્રિય પ્રધાનમંત્રી ગણાય છે શિંઝો આબે. રાજકીય પરિવારમાંથી આવતા શિંઝો ત્રીજા વિશ્વયુદ્ધ બાદ સૌથી સમય સુધી શાસન કરનારા પ્રધાનમંત્રી છે જેઓ તેમની નીતિ અને સુશાસન માટે જાણીતા છે. શિંઝોના શાસનમાં જાપાને જે પ્રગતિ  કરી છે તે દુનિયાની સામે છે. વિરોધીના અનેક પ્રયાસો બાવજૂદ  તેઓ સતત જાપાનની જનતાનો વિશ્વાસ જીતવામાં સફળ રહ્યા. શિંઝો આબેનો જન્મ 23 સ્ટેમ્બર 1954ના રોજ ટોકિયોના રાજકીય પરિવારમાં થયો. તેમના દાદી અને પિતા બંને મજબૂત રાજકીય પૃષ્ઠભૂમી ધરાવતા.   

 
શિંઝોએ તેમનું પ્રાથમિક અને ઉચ્ચ માધ્યમિક શિક્ષણ ટોકિયોમાં લીધું છે. જેમણે પબ્લિક એડમિનિસ્ટ્રેશનમાં ગ્રેજ્યુએશન અને પોલિટિકલ સાયન્સમાં માસ્ટર્સ કર્યું છે. જે બાદ તેઓ પબ્લિક પોલીસનો અભ્યાસ કરવા કેલિફોર્નિયા ગયા હતા. જોકે અહીં તેમણે ત્રણ સેમિસ્ટર જ પૂરા કર્યા અને પરત આવી ગયા.  

શિંઝોને રાજકારણ ખૂનમાં મળ્યું છે. પૂર્વજો દ્વારા ઉભી કરેયેલી પાર્ટી સાથે તેઓ યુવાવસ્થાથી જ જોડાયેલા રહ્યા. બીજા વિશ્વયુદ્ધ બાદ તેઓ દેશના પ્રથમ પ્રધાનમઁત્રી રહ્યા જેમણે સૌથી વધુ સમય સુધી શાસન કર્યું છે. 2006માં તેઓ પહેલીવાર પ્રધાનમંત્રી તરીકે ચૂંટાઈ આવ્યા તેમની પ્રથમ ટર્મ 2006થી 2007 સુધી જ રહી. જે બાદ તેઓ બીજી વાર 2012માં ભારે બહુમતથી ચૂંટાઈ આવ્યા અને 2014 સુધી ફરજ બજાવી. 2014ની સામાન્ય ચૂંટણીમાં જાપાનની જનતાએ ફરી તેમની ઉપર વિશ્વાસ જતાવ્યો.  

શિંઝોની હાઇપ્રોફાઇલ લાઇફ સ્ટાઇલથી દૂર તેમના પત્ની એકેઈ મતાસુઝકી જુદું જ વ્યક્તિત્વ ધરાવે છે. તેઓ સામાજિક કાર્યકર અને રેડિયો જોકી રહી ચૂક્યા છે. એકેઈ તેમના બહિર્મુખી સ્વભાવ અને શિંઝો આબેથી વિરોધી મત કરતા જોવા મળ્યા છે. લાડમાં તેમને ડોમેસ્ટિક ઓપોઝિશન પાર્ટી તરીકે ઓળખવામાં આવે છે.