બોલિવુડના મિસ્ટર પરફેક્શનિસ્ટ આમિર ખાન હિટ ફિલ્મો કરવા માટે માસ્ટર કાર્ડ બની ચૂક્યા છે. આમિર ભલે વર્ષમાં એક જ ફિલ્મ કરતો હોય પરંતુ આ પણ તેની એક ફિલ્મ બાકીની ફિલ્મોને ટક્કર આપે છે. આમિર ખાને છેલ્લા કેટલાય સમયથી એવી ફિલ્મો આપી છે જેણે બોક્સ ઑફિસ પર રેકોર્ડ બ્રેક કમાણી કરી છે. આમિરની હિટ ફિલ્મોની લિસ્ટમા હવે 'સીક્રેટ સુપરસ્ટાર'નું નામ પણ જોડાઇ ચૂક્યુ છે. આ ફિલ્મને તો તાઇવાન બૉક્સ ઑફિસ પર પણ શાનદાર રિસ્પોન્સ મળ્યો છે.
હવે વાત જો આમિર ખાનની આ ફિલ્મો માટેની તૈયારી અને ડેડિકેશનની કરીએ તો એક ખૂબ જ રસપ્રદ કિસ્સો છે જે આજે અમે તમને અહીં કહેવા જઈ રહ્યાં છીએ. આ કિસ્સો આમિર અને તેની પત્ની કિરણ રાવ સાથે જોડાયેલો છે.
વાસ્તવમાં આ વાત આમિર ખાનની સ્ટારર ફિલ્મ 'ધોબીઘાટ' સમયની છે. વર્ષ 2011માં રિલીઝ થયેલી ફિલ્મ 'ધોબીઘાટ'ને આમિર ખાનની પત્ની કિરણ રાવે ડિરેક્ટ કરી હતી. આ ફિલ્મ ચાર સાધારણ લોકો જેઓ આંકાક્ષાઓએકલાપણા નુકસાન અને પ્રેમમાંથી પસાર થાય છે તેમના પર આધારિત હતી.
બહુ ઓછા લોકો જાણતા હશે કે આમિર ખાને આ ફિલ્મનો રોલ કિરણ પાસેથી જિદ્દ કરીને લીધો હતોત્યાં સુધી કે આમિરે આ ફિલ્મના રોલ માટે 'ગજની'ના સેટ પર ઓડિશન પણ આપ્યુ હતુ. ફિલ્મનું શૂટિંગ ખૂબ ગીચ વિસ્તાર એવા મોહમ્મદ અલી રોડ પર હતુંઆ કારણે કિરણને સમજાતું નહોતું કેઆમિર આટલા ગીચ વિસ્તારમાં કેવી રીતે રોજ આવ-જા કરશે.
કિરણે એક ઉપાય શોધ્યો અને રાતે ત્રણ વાગ્યે આમિરને લઈ તે એરિયામાં આવેલા એક નાનકડા રૂમમાં પહોંચી. કિરણે આમિરને ત્રણ સપ્તાહ માટે ત્યાં જ રહેવા માટે કહ્યું. આ દરમિયાન '3 ઈડિયટ્સ' ની મીટિંગ માટે ડિરેક્ટર રાજકુમાર હીરાની અને પ્રોડ્યુસર વિધુ વિનોદ ચોપરાને પણ ત્યાં જવું પડતું હતું.