Whatsapp લાવી રહ્યું છે ઘણા નવા ફીચર્સ જાણો શું છે ખૂબીઓ

Whatsapp પોતાના યૂઝર્સ માટે નવા ફીચર્સ લાવનાર છે પોતાના યૂઝર્સ માટે સેન્ડ કરવામાં આવેલા મેસેજને પરમેનેન્ટ ડિલીટ કરવાનો વિકલ્પ કોન્ટેક્ટ નંબર બદલવા પર બાકી કોન્ટેક્ટ્સને નોટિફિકેશન મેસેજ મોકલવા અને ગ્રુપ વોઇસ કોલ જેવા ફીચર લઇને આવનાર છે. ચલો તો જાણીએ શું ધમાલ કરશે Whatsapp. 

મોટાભાગે એવું થાય છે કે તમે તમારા કોઇ મિત્રને મેસેજ મોકલવા ઇચ્છતા હોય પરંતુ ભૂલથી એ મેસેજ કોઇ બીજાને સેન્ડ થઇ જાય છે. એવામાં કેટલીક વાર શરમમાં પણ મૂકાઇ જવાય છે. આ બધી વસ્તુઓને જોતા જ વોટ્સઅપ હવે એવું ફીચર લાવવા જઇ રહ્યું છે. જેનાથી મોકલેલા મેસેજને પરમેનેન્ટ ડિલીટ કરી શકો છો. 

એટલે કે તમે જો કોઇને મેસેજ મોકલી દીધો અને જો તમે ઇચ્છો છો કે એ મેસેજ તમારા અને રિસીવર બંનેના વોટ્સઅપમાંથી ડિલીટ થઇ જાય તો આવું થઇ શકે છે. પરંતુ એના માટે શરત એ છે કે જેને તમે મેસેજ મોકલી રહ્યા છો એ પણ વોટ્સઅપનું લેટેસ્ટ વર્ઝનનો ઉપયોગ કરતો હોય. 

હાલમાં વોટ્સઅપનું આ ફીચર ટેસ્ટિંગ ફેઝમાં છે. જેની હાલમાં રાહ જોવી પડશે. કોન્ટેક્ટ નંબર બદલવા પર નોટિફિકેશન ફીચર વોટ્સઅપ એક વધારે ફીચર લાવવાની તૈયારીમાં છે. આ નવા ફીચરની જાણકારી WABetaInfo ના ટ્વિટર હેન્ડલથી મળી છે. ટ્વિટના પ્રમાણે વોટ્સએપના નવા ફીચરના આવ્યા બાદ જેવો જ તમે વોટ્સઅપ નંબર ચેન્જ કરશો એવા જ તમારા બધા કોન્ટેક્ટ નંબર પર નોટિફિકેશન જશે. આ ફીચર એપમાં ડિફોલ્ટ ઓપ્શનથી ઓન રહેશ પરંતુ તમે ઇચ્છો તો આ ફીચરને ઓફ પણ કરી શકો છો. વોટ્સઅપનું લેટેસ્ટ બીટા વર્ઝન  (2.17.375) માં આ ફીચર જોવા મળ્યું છે. 

વોટ્સઅપની માહિતી લીક કરનારી WABetaInfo‏ ના પ્રમાણે વોટ્સઅપ ઇન્ટરનલી ગ્રુપ વોઇસ ફીચર પર પણ કામ કરી રહ્યું છે. હાલમાં વોટ્સઅપ યૂઝર્સ વોઇસ કોલ વિકલ્પનો ફાયદો ઊઠાવી રહ્યો છે પરંતુ આ ફીચરના આવ્યા બાદ યૂઝર્સ એક સાથે ઘણી લોકોને વોઇસ કોલ કરી શકશે.