ભુજઃ 2009 ની સાલ હતી જ્યારે કચ્છના સુથરી દરિયા કિનારેથી મોટીમાત્રામાં ચરસનો જથ્થો ઝડપાયો હતો જે બાદ પચ્છિમ કચ્છમાં ક્યારેય ચરસ ઝડપાયુ નથી. પરંતુ ફરી 8 વર્ષ બાદ પોલિસે ચરસનો જથ્થો ઝડપ્યો છે. યુ.પીના એક પરપ્રાન્તીય શખ્સની માનકુવા નજીકથી પોલિસે ધરપકડ કરી છે. અને આશા છે. કે તેની પુછપરછમાં ફરી ચરસની નવી લિંક પોલિસના હાથે લાગે વિવિધ એજન્સીએ શખ્સની પુછપરછ શરૂ કરી છે.
માદક દ્રવ્યો માટે જાણે ગુજરાત હબ બન્યુ હોય તેમ વિવિધ માદક પ્રદાર્થો ગુજરાતમાંથી ઝડપાઇ રહ્યા છે. ત્યારે કચ્છમાંથી ફરી એકવાર ચરસની હેરાફેરી પોલિસને હાથે લાગી છે. માનકુવા પોલિસે ભારાસર નજીક મુળ યુ.પીના માનસિંઘ સમરુસિંગ સૈની નામના એક શખ્સની ધરપકડ કરી છે.અને તેની તપાસ કરતા તેની પાસેથી ચરસનો 906 ગ્રામ જથ્થો ઝડપાયો છે. જો કે તે ક્યાથી આ જથ્થો લાવ્યો અને કોને ડીલેવરી આપવાની હતી. તે ચોક્કસ પ્રાથમીક તપાસ પછી સામે આવ્યુ નથી.
પરંતુ અગાઉ દિપકે કેટલી ડીલેવરી કરી અને ક્યા આ જથ્થો પહોંચાડાતો હતો. તે દિશામાં પોલિસે તપાસ કરશે જો કે પ્રાથમીક તપાસમાં તે રાજસ્થાનથી અમદાવાદ અને ત્યાથી કચ્છ આવ્યો હોવાનુ જણાવી રહ્યો છે. પોલિસે ફોન સહિત તેની પાસેથી કેટલાક દસ્તાવેજો કબ્જે કર્યા છે. જે આધારે તપાસ ચાલુ છે. અને આશા છે. કે વિવિધ એજન્સીની તપાસમાં તેની પાસેથી મહત્વની કડી પોલિસ મેળવી શકે તેમ છે.
આમ તો ગુજરાતમાંથી કરોડો રૂપીયાનો ડ્રગ્સનો જથ્થો તાજેતરમાંજ ઝડપાયો છે. તેની સામે કચ્છમાંથી ઝડપાયેલ જથ્થાની કિમંત મોટી ન ગણી શકાય પરંતુ કચ્છ એક બોર્ડર જીલ્લો હોવાથી તેની ગંભીરતા વધી જાય છે. અને તેથીજ સ્થાનીક પોલિસ સાથે વિવિધ એજન્સી તેની તપાસમાં જોતરાઇ છે. અને કચ્છમાં ક્યાથી જથ્થો આવ્યો અને તેની ડીલેવરી ક્યા થવાની હતી. તે દિશામાં તપાસમાં લાગી ગઇ છે. અને તેની તપાસમાં કઇક નવુ મળે તેવી શક્યતા હાલ પોલિસ વ્યક્ત કરી રહી છે.