ઇસ્લામાબાદઃ આતંકી હાફિઝ સઈદના સંગઠનો સામે કાર્યવાહી બાદ પણ પાકિસ્તાને ટંગડી ઉંચી રાખી છે. પાકિસ્તાનના રક્ષામંત્રીએ સ્પષ્ટતા કરી છે કે તેમણે અમેરિકાના દબાણમાં આવીને નહીં પરંતુ વિચાર પૂર્વક આ પગલું લીધું છે.
પાકિસ્તાનના રક્ષા મંત્રી ખુર્મ દસ્તગીર ખાને જણાવ્યું કે અમે આ સંસ્થાઓ સામે પગલા એટલે લીધા છે. જેથી અમારા બાળકો સ્કૂલોમાં સુરક્ષિત રહી શકે. સોમવારે પાકિસ્તાને હાફિઝ સઈદની સંસ્થાઓના આર્થિક ફાળા પર રોક લગાવી દીધી હતી.
આપને જણાવી દઈએ કે અમેરિકન રાષ્ટ્રપતિ ડોનાલ્ડ ટ્રમ્પે પાકિસ્તાન વિરુદ્ધ આકરા પગલાં લીધા છે. તેમણે પાકિસ્તાનને અપાતી કરોડો ડોલરના નાણાકીય સહાયને એવું કહીને અટકાવી દીધી કે પાકિસ્તાને અમેરિકાને જૂઠ અને કપટ સિવાય કંઈજ નથી આપ્યું.