ઇન્ડિયન ક્રિકેટ ટીમનો કેપ્ટન વિરાટ કોહલી હાલમાં સાઉથ આફ્રિકાના પ્રવાસ પર છે. ટેસ્ટ સીરિઝ હાર્યા પછી ટીમ ઇન્ડિયાએ વનડે સીરિઝમાં શાનદાર કમબેક કરીને સીરિઝ જીતી લીધી હતી. ટીમ ઇન્ડિયાએ પહેલી T-20 મેચ જીતી અને કાલે બીજી T-20 મેચ રમશે. એક પછથી એક મેચમાં જીત મેળવી રહેલી ટીમ ઇન્ડિયાને કેપ્ટન વિરાટ કોહલી પોતાની પત્ની અને એક્ટ્રેસ અનુષ્કા શર્માને મિસ કરી રહ્યો છે તેવું લાગી રહ્યુ છે.
લગ્ન પછી વિરાટ કોહલી પહેલી વખત પોતાના લેડી લવથી દૂર છે હવે લાગી રહ્યુ છે કે વિરાટને અનુષ્કાની ખૂબ જ યાદ આવી રહી છે. જી હા વિરાટે પોતાના ઑફિશ્યલ ઇન્સ્ટાગ્રામ એકાઉન્ટ પર અનુષ્કાની સાથે હગ કરતો એક ફોટો શૅર કર્યો છે અને આ ફોટો શૅર કરતાની સાથે કેપ્શનમાં વિરાટ લખ્યુ છે કે 'માઇ વન એન્ડ ઑન્લી.'
વિરાટ કોહલીએ આ ફોટોમાંથી બંનેમાંથી કોઇનો પણ ચહેરો જોવા મળી રહ્યો નથી.. બન્ને એકબીજામાં ખોવાયેલા જોવા મળે છે. બેકગ્રાઉન્ડમાં એક પેઈન્ટિંગ છે. જેમાં કપલ કિસ કરતું જોવા મળે છે. આ ફોટો જૂનો છે. કારણકે વિરાટ કોહલી સાઉથ આફ્રિકામાં છે અને અનુષ્કા શર્મા મુંબઇમાં ફિલ્મ ‘પરી’ના પ્રમોશનની સાથે સાથે ‘સુઈ ધાગા’ અને ‘ઝીરો’ની શૂટિંગમાં બિઝી છે.
વનડે સીરિઝને 5-1થી જીત પછી અને સાઉથ આફ્રિકા સામેની સમગ્ર સિરિઝમાં કેપ્ટન કોહલી જોરદાર ફોર્મમાં જોવા મળ્યો હતો. વનડે સિરિઝ જીત્યા પછી વિરાટે પોતાના પર્ફોર્મન્સનો શ્રેય પત્ની અનુષ્કાને આપ્યો હતો.