'વિરાટ' ફટકારી 35મી સેન્ચુરી સૌથી ઝડપથી 9500 રન કરી આ દિગ્ગજ બેટ્સમેન છોડ્યો પાછળ

ટીમ ઇન્ડિયાનો કેપ્ટન અને સ્ટાર પ્લેયર વિરાટ કોહલીએ શુક્રવારે સાઉથ આફ્રિકાની વિરુદ્ઘ સેન્ચુરિયનમાં રમાઇ રહેલી સીરિઝની છેલ્લી મેચમાં પોતાના વનડે કરિયરની 35મી સેન્ચુરી ફરકારી હતી. એટલું જ નહી વિરાટ કોહલીએ વનડે ક્રિકેટમાં સૌથી ઝડપથી 9500 રન બનાવનારો ક્રિકેટર બની ગયો છે. વિરાટ કોહલીએ આ મેચમાં 41 રન રન કરતાની સાથે જ આ રેકોર્ડ તેના નામે થઇ ગયો. 

વિરાટ કોહલીએ માત્ર 200 ઇનિંગમાં 9500 રન કરીને સાઉથ આફ્રિકાના દિગ્ગજ બેટ્સમેન એબી ડિવિલયર્સને પાછળ છોડી દીધો છે. ગત વર્ષે ઓક્ટોબરમાં બાંગ્લાદેશની વિરુદ્ઘમાં એબી ડિવિલયર્સે 225 વનડે મેચની 215 ઇનિંગમાં 9500 રન કર્યા હતા. પરંતુ ડિવિલયર્સનો આ રેકોર્ડ માત્ર 3 જ મહિના ટકી શક્યો કેમકે વિરાટ કોહલીએ નવો રેકોર્ડ બનાવીને તેને પાછળ છોડી દીધો છે.

વન ડેમાં સૌથી ફાસ્ટ 9500 રન:

વિરાટ કોહલી: 200 ઇનિંગ

એબી ડિવિલયર્સ: 215 ઇનિંગ

આ સિવાય વિરાટ કોહલીએ સાઉથ આફ્રિકાની વિરુદ્ઘ વનડે સીરિઝમાં 554 રન કર્યા અને 'મેન ઑફ ધ સીરિઝ'નું ટાઇટલ પોતાના નામે કર્યુ. ત્યારે કેપ્ટન તરીકે કોઇ પણ દ્વિપક્ષીય સીરિઝમાં સર્વાધિક રન કરનારો પ્લેયર પણ બન્યો.

એક કેપ્ટન તરીકે દ્વિપક્ષીય વનડે સીરિઝમાં સર્વાધિક રન:

558 વિરાટ કોહલી ( સાઉથ આફ્રિકા વિરુદ્ઘ 2018)

448 જોર્જ બેલી (ટીમ ઇન્ડિયા વિરુદ્ઘ 2013-2014)

367 એબી ડિવિલયર્સ (પાકિસ્તાન વિરુદ્ઘ 2012-2013)

358 એબી ડિવિલયર્સ (ટીમ ઇન્ડિયા વિરુદ્ઘ 2015-2016)

346 કેન વિલિયમસ (પાકિસ્તાન વિરુદ્ઘ 2014-2015)