લગ્ન પછી ભારતીય ક્રિકેટ કેપ્ટન વિરાટ કોહલી અને બોલિવુડ એક્ટ્રેસ અનુષ્કા શર્માનો પહેલો વેલેન્ટાઇ ડે હશે. પરંતુ હાલમાં બંને પોતાના કામના કારણે સુપરબિઝી છે. જે કારણથી લાગી રહ્યુ છે કે આ કપલ આ વેલેન્ટાઇન ડે એકસાથે સેલિબ્રેટ નહી કરી શકે. વાસ્તવમાં જ્યાં એક તરફ ઇન્ડિયન કેપ્ટન વિરાટ કોહલી પોતાની ટીમ સાથે સાઉથ આફ્રિકામાં વનડે સીરિઝ રમી રહ્યો છે ત્યાં બીજી તરફ અનુષ્કા શર્મા પોતાની અપકમિંગ ફિલ્મ 'પરી'ના પ્રમોશનમાં બિઝી છે.
આમ તો આ કપલ પોતાના રિલેશનશિપથી લઇ લગ્ન અને લગ્ન પછી પણ સોશ્યલ મીડિયા પર છવાયેલું છે ત્યારે આ વેલેન્ટાઇન ડેના દિવસ માટે અનુષ્કા શર્માના પિતાએ દિકરી-જમાઇ માટે આ ખાસ ગિફ્ટ પંસદ કરી છે.
સૂત્રો મુજબ અનુષ્કાના પિતા રિટાયર્ડ કર્નલ અજય શર્મા પાછલા દિવસોમાં બાન્દ્રામાં એક બુક લોન્ચના પ્રસંગે પહોંચ્યા હતા. આ બુક પ્રેમની કવિતાઓ પર તેજસ્વની દિવ્યા નાઈકે લખી છે. આ બુકના લોન્ચિંગ પર અનુષ્કાના પિતાએ બુકને જોતા જ તેને વિરુષ્કાને આપવાનો નક્કી કરી લીધું.
હાલમાં જ મેચમાં જ્યારે વિરાટે સેન્ચુરી ફટકારી તો અનુષ્કાએ પોતાના પતિની પ્રશંસા કર્યા વિના રહી ન શકી. તેણે ઈન્સ્ટાગ્રામ પર કોહલીની તસવીરો શેર કરતા ચીયર કર્યું હતું. અનુષ્કાએ ફોટો શેર કરતા લખ્યું હતું કે What a Guy. સાથે જ દિલનું ઈમોજી મૂકીને 100 લખ્યું.
બીજી તસવીરમાં વિરાટે બેટિંગથી ફેન્સનું અભિવાદન કરી રહ્યો છે. આ ફોટો પર અનુષ્કાએ લખ્યું ઉફ what a guy. અનુષ્કાની ઈન્સ્ટાગ્રામ સ્ટોરી સોશિયલ મીડિયા પર ઝડપથી વાઈરલ થઈ રહી છે. અનુષ્કાને પતિને ચીયર કરવાનો આ અંદાજ ખૂબ જ પસંદ આવી રહ્યો છે.