વિકાસ ગાંડો થયો છે. સોસિયલ મીડિયા પર ધુમ મચાવી રહેલા આ મેસેજિસે એક સમયે કેદ્રની ભાજપ સરકારની ચિંતા પણ વધારી દીધી હતી. જો કે એ પછી ભાજપે હું છું વિકાસ હું છું ગુજરાત નામથી કેમ્પેઈન શરૂ કરી જડબાતોડ જવાબ આપ્યો. એક હેર સલૂનમાં થતા સંવાદ મારફત ભાજપ અને મોદી સરકારની ઉપલબ્ધીઓ દર્શાવવામાં આવી. તો હવે કોંગ્રેસ દ્વારા પણ હું છુ વિકાસ હું છુ ગુજરાતનો તોડ શોધી કાઢવામાં આવ્યો છે. વિકાસની સામે હવે આવ્યો છે પાક્કો ગુજરાતી.
ગુજરાતની ગાદી માટે દંગલ
ચૂંટણી પહેલા પ્રચાર યુધ્ધ
`વિકાસ' સામે હવે `પાક્કો ગુજરાતી'
`હું છું વિકાસ હું છું ગુજરાત'નો કોંગ્રેસ કાઢયો તોડ
હવે કોંગ્રેસ લાવ્યું `હું છું પાક્કો ગુજરાતી'
ગુજરાત ચૂંટણીનો માહોલ બરાબર જામ્યો છે. આ માહોલ વચ્ચે મુખ્ય બે રાજકીય પક્ષ ભાજપ અને કોંગ્રેસ વચ્ચે પ્રચાર યુધ્ધ બરાબર જામ્યું છે. હું છું વિકાસ હું છું ગુજરાતના નામથી ચાલી રહેલા ભાજપના એડ કેમ્પેઈન સામે હવે કોંગ્રેસે પણ પોતાની એડ બનાવી દીધી છે. હું છું પાક્કો ગુજરાતી
ગુજરાતની ચૂંટણીમાં જે વિકાસનો મુદ્દો લઈને વિરોધીઓ મોદી પર પ્રહાર કરી રહ્યા હતા. તે જ વિકાસને લઈને ભાજપે પોતાની એક એડ બનાવી. હું છું વિકાસ હું છું ગુજરાત. સોશિયલ મીડિયા પર જે ઝડપે આ એડ શેર થઈ રહી હતી. તેનો તોડ કાઢવા માટે હવે કોંગ્રેસે પણ એકદમ આવો જ વીડિયો બનાવ્યો છે. ભાજપની જાહેરાતમાં જ્યાં શરૂઆતમાં મોદી સરકાર પર પ્રહાર કરવામાં આવી રહ્યા છે ત્યાં કોંગ્રેસની જાહેરાતમાં મોદીની તારીફ થઈ રહી છે.
ભાજપની જાહેરાતમાં જ્યાં મોદીની કામગીરીની વાત થઈ રહી છે તો કોંગ્રેસની એડમાં મનમોહનશસહ સરકારની સિધ્ધિઓ ગણાવવામાં આવી રહી છે. મનમોહનશસઘ પર ચુપ રહેવાના આક્ષેપનો જવાબ કોંગ્રેસની આ એડમાં આપવામાં આવી રહ્યો છે.
ભાજપની જાહેરાતમાં મોદી સરકારની ઉપલબ્ધીઓ ગણાવવામાં આવી રહી છે તો કોંગ્રેસની જાહેરાતમાં તેમની સરકાર દ્વારા થયોલી કામગીરીનો ઉલ્લેખ છે. સાથે જ મોદીના મેક ઈન ઈન્ડિયા કેમ્પેઈન પર પણ પ્રહાર કરવામાં આવી રહ્યા છે.
ભાજપની જાહેરાતમાં જ્યાં નરેદ્ર મોદીના પરિવાર વિશે વાત કરવામાં આવી રહી છે ત્યાં કોંગ્રેસની જાહેરાતમાં મોદીના વિદેશપ્રવાસ નોટબંધી જેવા નિર્ણયો પર કટાક્ષ કરવામાં આવી રહ્યો છે..
ભાજપની જાહેરાતમાં જ્યાં ભ્રષ્ટાચાર પર પ્રહાર કરવામાં આવ્યો છે તો કોંગ્રેસની જાહેરાતમાં આઝાદી પછીની દેશની સ્થિતીનું વર્ણન કરવામાં આવ્યું છે અને અર્થશાસ્ત્ર ક્ષેત્રે મોનમોહન સિંહની સરકારે કરેલી કામગીરીની વાત કરવામાં આવી છે.