સોશિયલ મીડિયામાં અત્યાર સુધીમાં ઘણા લગ્નના વીડિયો આપે જોયા અને તેમાંથી દરેક વીડિયોમાં કંઈક યુનિક તમને જોવા મળ્યું હશે ત્યારે ફરી એક વીડિયો વાયરલ થતા અમારા સુધી પહોંચ્યો છે.
વાયરલ થઈ રહેલા આ વીડિયોની ખાસિયત એ છે કેઅહીં દરેક જાનૈયાઓને હેલમેટ ભેટમાં આપવામાં આવે છે.તો આ સાથે વરરાજાને પણ હેલમેટની ભેટ આપવામાં આવે છે.આ હેલમેટ જાનૈયાઓને પહેરાવવાની સાથે લોકોને રોડસેફ્ટીનો સંદેશ પણ આપવામાં આવે છે.
વાયરલ થઈ રહેલા આ વીડિયોમાં એકતરફ જાનૈયાઓ જોવા મળી રહ્યા છે.તો બીજીબાજુ વરરાજાને પણ જોઈ શકાય છે. દરેક જાનૈયાઓને હેલમેટ ભેટમાં અપાઈ રહી છે.. તો આ સાથે ચહેરા પર ખુશી જોવા મળી રહી છે.
વાયરલ થઈ રહેલો આ વીડિયો જયપુરનો છે.અહીં એવી પરંપરા હોય છે કેજાનૈયાઓને વિદાયમાં અમુક ભેટ આપવામાં આવે. પરંતુ આ લગ્નમાં નક્કિ કરવામાં આવ્યું કે જાનૈયાઓને હેલમેટની ભેટ આપવામાં આવે.. અને દરેકને રોડ સેફ્ટીનો સંદેશ પણ અપાયો હતો.
આ અનોખા પ્રયાસને પગલે કન્યાપક્ષના વખાણ પણ થઈ રહ્યા છે.તો આ સાથે વરપક્ષના લોકોએ પણ આ ભેટ હસીખુશીથી સ્વીકારી હતી અને જાહેર રસ્તાઓ પર હેલમેટ પહેરવાનો જ આગ્રહ રાખ્યોહતો.
ભારત એક એવો દેશ છે કે જ્યાં રોડસેફ્ટીના અભાવે રોડ અકસ્માતમાં ઘણા લોકો મૃત્યુ પામે છે.ભારતમાં દરવર્ષે એક લાખથી વધુ લોકો રોડ અકસ્માતમાં મૃત્યુ પામે છે. તેમજ મોટાભાગના શહેરોમાં પણ યુવાનો હેલમેટ વિના જ વાહનો ચલાવતા જોવા મળે છે.
ત્યારે આ વીડિયો વાયરલ કરવાની સાથે લોકોને રોડસેફ્ટીનો સંદેશ અપાઈ રહ્યો છે. તેમજ આગામી સમયમાં દરેક જાનૈયાઓ હેલમેટ પહેરીને જ વાહન ચલાવે તેવો આગ્રહ પણ કરાયો. આમ કન્યાપક્ષ તરફથી રોડસેફ્ટી માટે જે અનોખો પ્રયાસ હાથ ધરાયો છે તે કાબિલે તારીફ છે. અને વીટીવી પણ લોકોને અપીલ કરે છે કેરોડસેફ્ટીના નિયમોનું પાલન કરીએઅને પોતાની જિંદગી સાથે રમત ન કરીને સુરક્ષિત જીવન જીવીએ. કારણ કેઆ જિંદગી ખુબજ કિંમતી છે.