શું શાહરુખ ખાન અસદુદ્દીન ઓવૈસીની પાર્ટી માટે પ્રચાર કરી રહ્યા છે? આ દાવો અમે નથી કરી રહ્યા પરંતુ સોશિયલ મીડિયામાં વાયરલ થઈ રહેલા મેસેજમાં આ દાવો કરવામાં આવી રહ્યો છે.. તો આ સાથે લોકો શાહરુખ ખાનની એક તસવીર પણ પોસ્ટ કરી રહ્યા છે. જેમાં શાહરુખ ખાનની ટીશર્ટ પર MIMનું ચિન્હ જોવા મળી રહ્યું છે. ત્યારે વાયરલ થઈ રહેલો આ મેસેજ સાચો છે કે નહીં. તેની તપાસ વીટીવીની ટીમ દ્વારા કરવામાં આવી હતી.
શું શાહરુખ ખાન ઓવૈસીની પાર્ટી માટે પ્રચાર કરી રહ્યો છે?
સોશિયલ મીડિયામાં વાયરલ મેસેજનો દાવો
શાહરુખ ખાનની ટીશર્ટ પર AIMIMનો લોગો
શાહરુખ ખાને MIM માટે વોટ આપવાની અપીલ કરી?
શું છે વાયરલ થઈ રહેલા મેસેજની હકીકત?
સોશિયલ મીડિયામાં વાયરલ થઈ રહેલા હવે જે મેસેજની વાત કરીશું તેમાં ચોંકાવનારો દાવો કરવામાં આવી રહ્યો છે. આ મેસેજમાં શાહરુખ ખાનને લઈને દાવો કરવામાં આવી રહ્યો છે. આ દાવો ચોંકાવનારો એટલા માટે છે કારણ કે શાહરુખ ખાન એવી પર્સનાલિટી છે કે જે ક્યારેય કોની રાજકીય પાર્ટીનું સમર્થન કરતા નથી અને ક્યારેય કોઈ અપીલ પણ કરી નથી અને ત્યારે જ દેશભરમાં જ્યારે ચૂંટણીનો માહોલ ગરમાઈ રહ્યો છે. ત્યારે શાહરુખ ખાનની આ તસવીર વાયરલ થઈ ગઈ છે. વાયરલ તસવીરમાં શાહરુખ ખાનની ટીશર્ટ પર MIMનો લોગો જોવા મળી રહ્યો છે. અને દાવો કરવામાં આવ્યો છે કે શાહરુખ હવે MIMના સપોર્ટમાં છે.
બોલિવૂડના કિંગ ખાન સાથે એક રાજકીય પાર્ટીનું નામ જોડાઈ રહ્યું હતું. જોકે આ વાત નવી નથી કે ઘણા બોલિવૂડ સ્ટાર્સ દ્વારા રાજકીય પાર્ટીનું સમર્થન થતું રહેતું હોય છે. જેમકે હેમા માલિની જયા પ્રદા રાજ બબ્બર વગેરે બોલિવૂડ સ્ટાર્સ રાજકીય પાર્ટીઓનું સમર્થન કરતા આવ્યા છે. અને આજે તેઓ એક ઉચ્ચ હોદ્દા પર રહીને કામ પણ કરી રહ્યા છે. માટે જો કદાચ શાહરુખ ખાનને કોઈ રાજકીય પાર્ટીનું સમર્થન કરવાની ઈચ્છા થાય તો તેમાં કોઈ નવી વાત નથી. આ સાથે આપને એ પણ જણાવી દઈએ કે શાહરુખ ખાન ખુબજ મોટુ ફેન ફોલોશવગ ધરાવે છે. શાહરુખને ફ~ત જોવા માટે તેના દરવાજે હજારોની ભીડ જોવા મળે છે. માટે જો શાહરુખની ટીશર્ટ પર જો કોઈ પાર્ટીનો લોગો જોવા મળે તે જોતા લોકોને આશ્ચર્ય થઈ રહ્યું છે પરંતુ સોશિયલ મીડિયામાં વાયરલ થઈ રહેલી આ તસવીર સાચી છે કે નહીં. તેને લઈને ઘણા લોકોના મનમાં શંકાઓ થઈ રહી છે. માટે આ તસવીરની હકીકત શું છે તે જાણવું ખુબજ જરૂરી છે.
વાયરલ થઈ રહેલી આ તસવીરને લઈને કોઈ ભ્રમણા ન ફેલાય તેમજ જે વાયરલ મેસેજનો દાવો છે તે સાચો છે કે નહીં તેની પડતાલ વીટીવીની ટીમ દ્વારા હાથ ધરવામાં આવી હતી.
વાયરલ તસવીરમાં શાહરુખ ખાન એક સફેદ રંગની ટીશર્ટમાં જોવા મળી રહ્યો છે. તેમજ તેના ટીશર્ટ પર લખવામાં આવ્યું છે. વોટ ફોર MIM નીચે એક પતંગનું ચિહ્ન છે અને જેના પર ગોળ રાઉન્ડ કરવામાં આવ્યો છે. તો આ સાથે શાહરુખ ખાનની પાછળ એક ટોપી પહેરેલો યુવક જોવા મળી રહ્યો છે. તેમજ યુવકની પાછળ એક કાળા રંગની કાર છે. તો આ સાથે આસપાસ અમુક બોડીગાર્ડ જોવા મળી રહ્યા છે પરંતુ અહીં ક્યાંય આ પાર્ટીના કાર્યકરો કે MIM પાર્ટીના ઝંડા જોવા મળી રહ્યા નથી. જે એક પાર્ટીના પ્રચારમાં જોવા મળતું હોય તેવું કંઈપણ અહીં જોવા મળતું નથી. તસવીર આશ્ચર્યજનક છે અને જે પાર્ટીના સપોર્ટની વાત કરવામાં આવી છે એ પણ આશ્ચર્યજનક છે.. લોકો આ તસવીરને પોસ્ટ કરીને દાવો કરી રહ્યા છે. સઈદ સુલ્તાન મિઝાએ આ તસવીર પોસ્ટ કરીને બેંગ્લોર ચૂંટણીની આ તસવીર હોવાનો દાવો કર્યો. મહેશ્વર સ્વામીએ પણ આજ દાવો કર્યો.. તો તૌફિક અસ્લમે લખ્યું.. AIMIMને શાહરુખ ખાનનું સમર્થન. ભુલતા નહીં પતંગનું ચિન્હ. આમ એકબાદ એક એક ટ્વીટર અને ફેસબૂક પર લોકો તસવીર પોસ્ટ કરી રહ્યા છે પરંતુ સાચી હકીકત શું છે તે જાણવું જરૂરી હતું.
વાયરલ તસવીરની હકીકત જાણવા પહેલા એક નજર કરીએ MIM પાર્ટી પર. AIMIM ઓલ ઈન્ડિયા મજ્લિસ એ ઈતેહદુલ મુસલિમીનના અધ્યક્ષ છે અસદુદ્દીન ઓવૈસી. જે રાજકારણમાં વિવાદીત નિવેદનો આપવા માટે જાણીતા છે.. આ પાર્ટીનો લોગો પતંગ છે. આટલાથી યાદ ન આવતું હોય તો આપને જરા અકબરુદ્દીન ઓવૈસી વિશે જણાવી દઈએ કે જેણે જાહેર સભામાં કહ્યું હતું કે દેશભરમાંથી 15 મિનિટ માટે પોલીસ હટાવી દેવાની વાત કરી હતી. જેના ભડકાઉ ભાષણોના વીડિયો પણ ઘણા વાયરલ થયા હતા. હવે આવા નેતા જે પાર્ટીમાંથી આવતા હોય. તે પાર્ટીનું સમર્થન શાહરુખ ખાન કરે તે વાત કોઈના ગળે ઉતરી રહી ન હતી.
આખરે વાયરલ થઈ રહેલા આ મેસેજની પડતાલમાં સૌ પ્રથમ તો અમે ઈન્ટરનેટ પર તપાસ હાથ ધરી હતી. કારણ કે જો શાહરુખ ખાને MIMના સમર્થનની વાત કરી હોય તો તેના સમાચારો જરૂરથી પ્રકાશિત થયા જ હશે પરંતુ અમારી ટીમને ઈન્ટરનેટ પર આવા કોઈ સમાચાર જોવા મળ્યા ન હતા. તો હવે અમારા માટે આ તસવીરમાંથી એવી કડી શોધવાની હતી કે જેથી જાણવા મળે કે વાયરલ તસવીર સાચી છે કે નહીં?
વાયરલ તસવીરની પડતાલ કરવા માટે આખરે અમે ગૂગલમાં સર્ચ કરવાનો પ્રયાસ કર્યો હતો. અને શાહરુખ ખાનની સફેદ રંગની ટીશર્ટના તમામ તસવીરોની અમે તપાસ હાથ ધરી હતી કે જેથી ક્યાંક આ તસવીર જોવા મળી જાય કે જે વાયરલ છે.. અમારા માટે આવી જ વધુ એક તસવીર શોધવી જરૂરી હતી અને અમે ઘણી તસવીર શોધી જોઈ. જે બાદ આખરે અમને એ તસવીર મળી ગઈ. તો હવે આપને અસલી તસવીર જોતા આશ્ચર્ય થશે. જુઓ આ અસલી તસવીર. જેમાં શાહરુખ ખાનની સફેદ ટીશર્ટ પર કોઈ નિશાન જોવા મળી રહ્યું નથી. તેમજ આખી ટીશર્ટ કોરી છે.
તો હવે આપને વાયરલ થઈ રહેલા આ મેસેજની પુરી હકીકત જણાવી દઈએ. વાયરલ તસવીર એડિટીંગની કમાલ છે. આ તસવીરમાં શાહરુખ ખાનની તસવીર સાથે છેડછાડ કરવામાં આવી છે.. તેમજ શાહરુખની ટીશર્ટ પર એડિટીંગ કરી MIMનો લોગો લગાવવામાં આવ્યો છે. વાસ્તવમાં અસલી તસવીરમાં આવું કંઈપણ જોવા મળતું નથી. આમ વાયરલ થઈ રહેલો આ મેસેજ ખોટો સાબિત થયો છે.. સોશિયલ મીડિયામાં કોઈએ ખોટી રીતે શાહરુખની આ તસવીરનો ઉપયોગ કર્યો છે.. અને તસવીર વાયરલ કરીને ભ્રમણા ફેલાવવાનો પ્રયાસ કર્યો છે. માટે આવી ફેક તસવીરોથી સાવધાન રહેવાની જરૂર છે.
વાયરલ તસવીર એડિટીંગની કમાલ છે
આ તસવીરમાં શાહરુખ ખાનની તસવીર સાથે છેડછાડ કરવામાં આવી છે
શાહરુખની ટીશર્ટ પર એડિટીંગ કરી MIMનો લોગો લગાવવામાં આવ્યો છે