પાસ કન્વીનર હાર્દિક પટેલનો કથિત આપત્તિજનક વાયરલ વીડિયો અંગે કોંગ્રેસના નેતા પરેશ્ ધાનાણીએ જણાવ્યું હતું કે ગુજરાતના લોકોનો ભાજપ તરફનો રોષ ડાયવર્ટ કરવા માટે ભાજપ દ્વારા કોઈના ચારિત્ર્ય પર દાગ લગાવવાનો ભાજપનો આ અનૈતિક પ્રયાસ છે.
તો કોંગ્રેસના નેતા શક્તિસિંહ ગોહિલે જણાવ્યું હતું કે હાર્દિકને ભાજપે રૂપિયાથી ખરીદી નહી શકતા હાર્દિકના ચારિત્ર્ય પર કલંક લગાવવા આ નવી ચાલ ચાલી છે. જોકે ભાજપ પોતાની ચાલમાં સફળ થવાનું નથી.
લોકોનો રોષ ડાયવર્ટ કરવાનો ભાજપનો પ્રયાસ:પરેશ ધાનાણી
કોઈના ચારિત્ર્ય પર દાગ લગાવવાનો ભાજપનો નિર્થક પ્રયાસ :પરેશ ધાનાણી
હાર્દિકને પૈસાથી ન ખરીદી શકતાં ભાજપનો નવો દાવ: શક્તિસિંહ ગોહીલ
ઉલ્લેખનીય છે કે. હાર્દિક પટેલનો એક છોકરી સાથેનો કથીત આપત્તિજનક વીડિયો વાયરલ થયો છે. આ વીડિયો વાયરલ થયા બાદ હાર્દિક ખુબ ચર્ચાનો વિષય બની ગયો છે.
હાર્દિકના બચાવમાં પાસના આગેવાનો અને કોંગ્રેસના આગેવાનો નિવેદન કરી રહ્યા છે્. આ લોકો દ્વારા આક્ષેપ કરવામાં આવી રહ્યો છે કે ભાજપ દ્વારા ગંદી રાજનીતિ કરવામાં આવી રહી છે.