સુરતઃ સુરતમાં વેસુ રોડ ઉપર આવેલા આવેલા પાર્ટી પ્લોટનમાં ભીષણ આગ લાગવાની ઘટના બની છે. વેસુરોડ પર આવેલા બાલાજી પાર્ટી પ્લોટમાં પાછળના ભાગમાં આ ભીષણ આગ લાગી હતી. આગ એટલી ભયાનક હતી કે દુર દુર સુધી આગની જવાળાઓ જોવા મળી રહી હતી. ઘટનાના પગલે પાર્ટી પ્લોટની પાસે રહેતા લોકોમાં ભયનો માહોલ ફ્લાયો હતો.
જોકે આગની જાણ થતા ફાયર બ્રિગેડની 10 જેટલી ગાડીઓએ ઘટના સ્થળે પહોંચી આગ પર કાબુ મેળવ્યો હતો. સદ્નનસીબે આ ઘટનામાં કોઇ જાનહાની સર્જાઇ નથી. પરંતુ પાર્ટીપ્લોટનો લાખો રૂપિયાનો મંડપ તથા ડેકોરેશનનો સામાન આગમાં બળીને ખાખ થઇ ગયો હતો.