વલસાડ: AAPના ઉમેદવાર પર હુમલો પોલીસે હુમલાખોરને પકડવા ચક્રો ગતિમાન કર્યા

વલસાડ જિલ્લાની પારડી બેઠકના આપ પાર્ટીના ઉમેદવારની કાર પર હુમલો થવાની ઘટના પ્રકાશમાં આવી છે. જોકે આ હુમલો રાજકીય હોવાનું બહાર આવતા સનસની ફેલાઈ ગઈ છે. આમ આદમી પાર્ટીના ઉમેદવાર ડૉ રાજીવ પાંડે મોરાઇ ગામમા પ્રચાર કરી પરત ફરતી વખતે આ ઘટના બની હતી. 

રાત્રીના સમયે રાજીવ પાંડે વાપી તરફ આવી રહેલા હતા ત્યારે  અચાનક બે બાઇક પર આવેલ અજાણ્યા 4 બાઇક સવારોએ કાર રોકી હતી. રાજકારણથી દૂર રહેવાની ધમકી આપી હતી. સાથે કારના કાચ પણ તોડવામાં આવ્યા હતા. રાજીવ પાંડએ પોલીસ ફરિયાદ નોંધાવી છે. પોલીસ સુરક્ષાની માંગણી કરી છે.

 ઉલ્લેખનીય છે કે પારડી બેઠક પર મોટી સંખ્યામાં ઉત્તર ભારતીય મતદારો છે. રાજીવ પાંડે પણ ઉત્તર ભારતીય હોવાથી આ ચૂંટણીમાં સારો દેખાવ કરી શકે છે. ત્યારે આ હુમલો કરનાર યુવાન કયા પક્ષની વિચાર ધારા ધરાવે છે કે પછી કોઈ અસામાજિક તત્વો એ આ ઘટના એ અંજામ આપ્યો હતો તેની   પોલીસ તાપસ  થાય તેવી માંગ ઉઠી છે.