વલસાડ તાલુકાના કચીગામમાં સાંસદ ડૉ.કે સી પટેલના વાણી વર્તન અને ભાજપ થી કેટલાંક કાર્યકરો નારાજ છે...ત્યારે નારાજ કાર્યકરોએ માથે મુંડન કરાવી પાર્ટી સામે વિરોધ પ્રદર્શન કરતાં ચકચાર મચી ગઇ છે. સાંસદ ડૉ કે. સી. પટેલના વર્તન સામે નારાજગી વ્યક્ત કરવા અને વિરોધ પ્રદર્શન કરવા ભાજપના જ્ કેટલાક કાર્યકરો વલસાડ ભાજપ કાર્યાલય પર આવી રહ્યા હતા. પરંતુ વલસાડ પોલીસે તેમને ધરમપુર ચાર રસ્તા ખાતે જ અટકાવી લીધા હતા. સાથે જ પોલીસે કચીગામના 30થી વધુ કાર્યકર્તાઓ અને મહિલા સહિત 80 જેટલા કાર્યકર્તાઓને પોલીસે અટકાયત કર્યા હતા.
મહત્વપૂર્ણ છે કે વલસાડ તાલુકાના કચીગામના ભાજપના કાર્યકરો છેલ્લા કેટલાક સમયથી ગામમાં એક પુલ અને બે માર્ગો બનાવવા માટે વર્ષોથી માંગ કરી રહ્યા હતા. અનેક વખત રજૂઆત કરવા છતાં તેમની આ માંગ સંતોષાઇ નથી.