રાજ્યસરકાર દ્વારા દારૂબંધીનો કડક કાયદો લગાવવામાં આવ્યો છે. તેમ છતા હજુ રાજ્યમાં દારૂનું વેચાણ ઘટતું હોય તેમ લાગી રહ્યું નથી. ત્યારે વલસાડના પારડીમાં ભાજપના ત્રણ અગ્રણીઓ પાસેથી દારૂ ઝડપાતા રાજકીય ભૂકંપ સર્જાયો છે. પારડી પોલીસે પ્રેટ્રોલિંગ દરમિયાન દમણથી નવસારી જતી ભાજપ કાર્યકરની કારને અટકાવી તપાસ આદરી હતી.
જેમાંથી દારૂ બીયરની બોટલો મળી આવી હતી. જેમાં નૈનેષ કાયસ્થ કિશોર પટેલ રિતેશ પટેલના નામ બહાર આવ્યા છે. પોલીસે આ અંગેની ફરિયાદ નોંધી કુલ 9 300ની માલમત્તા જપ્ત કરી આગળની તપાસ હાથ ધરી છે.