VIDEO: વલસાડના નાના પોંઢા ગામમાં ભીષણ આગથી 12 દુકાનો બળીને ખાખ

વલસાડ: વલસાડના નાના પોંઢા ગામમાં મધરાત્રે ફટાકડાની દુકાનમાં ભીષણ આગ લાગી હતી. કપરાડા રોડ પર આવેલી મુખ્ય બજારની બહાર હંગામી ધોરણે બનાવવામાં આવેલી ફટાકડાની દુકાનોમાં આગ લાગતાં દોડધામ મચી ગઈ હતી.

એક દુકાનમાં આગ લાગતાં આસપાસની 12 જેટલી દુકાનમાં આગ પ્રસરી હતી. જેના કારણે સ્થાનિક લોકોના જીવ અધ્ધર થઈ ગયા હતા. જોકે બનાવની જાણ થતાં જ સ્થાનિક પોલીસ ઘટનાસ્થળે દોડી ગઈ હતી અને વાપી કપરાડા ધરમપુર ફાયર બ્રિગેડની ટીમની મદદ લેવાઈ હતી. 

જોકે અંતરિયાળ વિસ્તારમાં ગામ હોવાથી ફાયરની ટીમ પહોંચે ત્યાં સુધી આગે વિકરાળ સ્વરૂપ ધારણ કરી લીધું હતું. જોકે બાદમાં ફાયર બ્રિગેડે ભારે જહેમત બાદ આગ પર કાબૂ મેળવ્યો હતો. તેમ છતાં 14 દુકાનો સળગીને રાખ થઈ ગઈ હતી. પ્રાથમિક દ્રષ્ટિએ આગ શોટ સર્કિટના કારણે લાગી હોવાનું માનવામાં આવી રહ્યું છે.