ટીમ ઇન્ડિયાનો સ્ટાર ક્રિકેટર રોહિત શર્મા અને તેની પત્ની રિતિકા સજદેહ એક સ્ટાર સેલિબ્રિટી કપલ છે. રોહિત શર્માએ પાંચમી વનડેમાં શાનદાર પરફૉર્મન્સ કર્યુ. પાંચમી વનડેમાં ટીમ ઇન્ડિયા ની જીતનો પાયો નાખનાર અને રોહિત શર્માએ વેલેન્ટાઇન્સ ડે નિમિત્તે પોતાને મળેલ મેન ઓફ ધ મેચ એવોર્ડ પત્ની રીતિકાને ડેડિકેટ કર્યો છે.
વેલેન્ટાઇન્સ ડે નિમિત્તે પોતાનો એવોર્ડ પત્ની રીતિકાને નામ કરતા રોહિતે પોતાની ઇન્સ્ટાવોલ પર તેને રિત્સ કહીને સંબોધી હતી. કપલના અંગત ફ્રેન્ડ્સ મુજબ રોહિત હંમેશા રીતિકાને પ્રેમથી રિત્સ કહીને બોલાવે છે. તો રીતિકાનો ફની રિપ્લાય પણ ખૂબ જ વાયરલ થઈ રહ્યો છે.
આ સિવાય પણ ગત ડિસેમ્બરમાં રોહિત શર્માએ મેરેજ એનિવર્સરી પર શ્રીલંકા વિરુદ્ઘ 208 રનની શાનદાર ઇનિંગ રમી અને તે સમયે ગ્રાઉન્ડ પર રીતિકા હાજર હતી રોહિતે આ ડબલ સેન્ચુરીનું ટાઇટલ પણ રીતિકાને ડેડિકેટ કર્યો હતો.
રોહિત શર્માએ 2015માં રીતિકા સજદેહ સાથે લગ્ન કર્યા હતાં. બન્નેએ 6 વર્ષ એકબીજાને ડેટ કર્યા પછી લગ્ન કર્યા હતાં. લગ્ન પહેલા રીતિકા સ્પોર્ટ્સ અને ઇવેન્ટ મેનેજમેન્ટ કંપનીમાં મેનેજર તરીકે કામ કરતી હતી. રોહિત અને રીતિકા ધીમે ધીમે સારા દોસ્ત બન્યા પછી લગ્નના બંધનમાં બંધાયા હતાં. ક્રિકેટ જગતમાં આ કપલ વારંવાર ચર્ચામાં રહે છે.