વડોદરામાં ફરી સ્કૂલવાન ચાલકો પર RTOના અધિકારીઓએ તવાઇ બોલાવી છે. જોખમી રીતે બાળકોની હેરાફેરી સામે આરટીઓએ લાલ આંખ કરી છે.
મળતી માહિતી અનુસાર વડોદરામાં RTOના અધિકારીઓએ અલગ અલગ ટીમો બનાવી શાળા બહાર ચેકિંગ હાથ ધર્યુ છે. વાનમાં નિયમ કરતા વધુ બાળકો બેસાડતા સ્કૂલવાન ચાલકો સામે કાર્યવાહી હાથ ધરી છે તેમજ અને નિયમોનું ઉલ્લંઘન કરતા 10થી વધુ સ્કૂલવાન ડિટેઇન કરાઇ હતી. બીજી તરફ ફાયર સેફટીના મુદ્દે તકેદારી નહી જાળવતા ચાલકો સામે પણ કાર્યવાહી હાથ ધરાઇ હતી.
નોંઘનીય છે કે જુલાઇ મહિનામાં કારેલીબાગ વિસ્તારમાં સ્કૂવ વાન ચાલકે સ્પીડમાં ટર્ન લેતા વાન વલટી ગઇ હતી. જેમાં 7 જેટલા બાળકોને ઇજા પહોંચી હતી. જ્યારે થોડા દિવસ અગાઉ પણ સુરતના ઘોડદોડ વિસ્તારમાં સ્કુલ વાનમાં આગ લાગવાની પણ ઘટના સામે આવી હતી. જેમાં 15 વિદ્યાર્થીઓ ઇજાગ્રસ્ત થયા હતા.