વડોદરાની જિલ્લાની પાદરાની બેઠક પર વર્તમાન ધારાસભ્ય દિનેશભાઇ પટેલના નામને ફરીવાર ભાજપે રિપીટ કરતા સ્થાનિક સંગઠનમાં બળવો થવા પામ્યો છે. જેમાં વડોદરા જિલ્લા પંચાયતના વિરોધ પક્ષના નેતા કમલેશ પરમાર સહીત 100 કરતા વધુ આગેવાનોએ બળવો પોકારી ભાજપ માં રાજીનામુ આપી દીધુ હતું.
જિલ્લા ભાજપના કાર્યકર્તાઓ અને સંગઠનના અગ્રણીઓ અને હોદ્દેદારોએ આજે જિલ્લા ભાજપ અધ્યક્ષ દિલુભા ચુડાસમા ને રાજીનામાં સુપરત કરી ભાજપ સાથે છેડો ફાડી દીધો છે. પાદરા વિધાનસભામાં 1.20 લાખ મતદારો ક્ષત્રિય છે. જેથી સ્થાનિક સંગઠન દ્વારા ક્ષત્રિય ઉમેદવારીની મંગણી કરવામાં આવી હતી. કોઈ પણ ક્ષત્રિય ને ઉમેદવારી અપાશે તો તમામ સાથે મળીને કામ કરશે તેવી રજુઆત પાર્લામેન્ટ્રી બોર્ડમાં કરી હતી. પણ આજે જાહેર થયેલી યાદીમાં ધારાસભ્ય દિનેશભાઇ પટેલ ઉર્ફે દિનુમામા ના નામને રિપીટ કરતા ભાજપમાં ભડકો થવા પામ્યો છે.
આજે જાહેર થયેલી જિલ્લાની તમામ બેઠકો માં એક પણ ક્ષત્રિય ઉમેદવાર ને ઉમેદવારી આપવામાં આવી નથી. અને પાદરમાં દિનેશભાઇ પટેલ ઉર્ફે (દિનુમામાં) સામે વિરોધ હોવા છતાંય તેઓને રિપીટ કરતા સંગઠનમાં પાટીદારો અને ક્ષત્રિયોએ ભેગા મળી અને રાજીનામાં ધરી દીધા છે. જિલ્લા સંગઠનના હોદ્દેદાર ચૈતન્યસિંહ ઝાલા જીલ્લા પંચાયતના વિપક્ષના નેતા કમલેશ પરમાર પાટીદાર સંકલન સમિતિ ના અગ્રણીઓ સાથે અનેક કાર્યકરો એ જીલ્લા ભાજપ કાર્યાલયે રાજીનામાં ધરી દીધા હતા.
જયારે જિલ્લા ભાજપના પમુખ દિલુભા ચુડાસમાએ પણ અંગે પોતાની પ્રતિક્રિયા આપી હતી અને જણવ્યું હતું કે આ પક્ષનો મામલો છે અને કમલેશ પરમાર સહીતના આગેવાનો સાથે બેઠક કરી સમાધાન કરવામાં આવશે.