VIDEO:ક્યાંક સંચાલકો સામે હલ્લાબોલ તો ક્યાંક વાલીઓ ગદર્ભ સાથે પહોંચ્યા સ્કૂલે

By : kavan 02:55 PM, 12 January 2018 | Updated : 02:55 PM, 12 January 2018

વડોદરામાં સ્કૂલ સંચાલકોના વિરોધમાં વાલીઓએ અનોખો વિરોધ કર્યો છે.ફી મુદ્દે વાલીઓએ આજે બંધનું એલાન આપ્યું છે.ત્યારે વડોદરાના માંજલપુરમાં શ્રેયસ સ્કૂલ પર વાલીઓ ગર્દભ સાથે પહોંચ્યા હતા.

એટલું જ નહીં ગર્દભ પર વિરોધના પોસ્ટર લગાવ્યા હતા.તો શાળા સંચાલકોને લોભિયા ગણાવ્યા હતા.જ્યારે સરકારને પણ શાળા સંચાલકો વિરુદ્ધ યોગ્ય પગલા લેવાની અપીલ કરી હતી. 

ઉલ્લેખનીય છે કે આજે સવારથી જ સમગ્ર રાજ્યમાં શિક્ષણ બંધને મિશ્ર પ્રતિસાદ મળવા પામ્યો હતો.ત્યારે કેટલીક શાળાઓમાં વાલીઓએ હોબાળો પણ મચાવ્યો હતો.

વડોદરાની જયઅંબે શાળાના સંચાલકોએ શાળા ચાલુ રાખતા વાલીઓ શાળા બંધ કરાવવા માટે આવી પહોંચ્યા હતા. અને હલ્લાબોલ પણ કરવામાં આવેલ તેમ છતાં શાળા સંચાલકોએ વાલીઓને ડરાવવાના પણ પ્રયાસો પણ કર્યા હતા. 

જો કે વાલીમંડળના ઉપપ્રમુખ ભાવનાબેન સપકાલ અને ચંદ્રિકાબેન સોલંકીએ વાલી સાથે જોડાઈ અને બંધને સમર્થન મળે તેવા પ્રયાસો કર્યા હતા અને સરકાર પણ બેફામ બનેલા શાળા સંચાલકો વિરુધ્ધ કડક કાર્યવાહી કરે તેવા માગ કરી છે.

શિક્ષણ નગરી વડોદરામાં આજે  શાળા બંધના એલાનને મિશ્ર પ્રતિસાદ મળ્યો છે જોકે વાલીઓ સ્વયંભૂ આગળ આવ્યા છે અને ઉંચી ફી ભરીને પીસાતા વાલીઓ આજે ઉગ્ર બન્યા હતા અને શાળાઓ બંધ રખાવી હતી.
 



loading...

Recent Story

Popular Story