વડોદરામાં વકીલ મંડળની ચૂંટણી 58 ઉમેદવારો મેદાને

વડોદરાઃ આજે વકીલ મંડળની ચૂંટણી યોજવામાં આવી છે. આ ચૂંટણીમાં 58 ઉમેદવારો મેદાનમાં ઉતર્યા છે. આ ચૂંટણીમાં 2258 વકીલો મતદાન કરશે. આ ચૂંટણીમાં પ્રમુખ પદ અને ત્રણ ઉપપ્રમુખના ચાર ઉમેદવાર માટે ચૂંટણી જંગ જામશે. મહત્વનુ છે કે પ્રથમ વખત ચૂંટણીમાં બારકોડ સિસ્ટમનો ઉપયોગ કરવામાં આવી રહ્યો છે. બારકોડ દ્વારા મતદાન ઝડપી થશે અને મતદારનું નામ વોટર લિસ્ટમાં તેમનો સિરિયલ નંબર સહિતની તમામ બાબતો સ્પષ્ટ થશે.

જોકે આ વખતની પ્રથમ વખત ચૂંટણીમાં બારકોડ સિસ્ટમનો ઉપયોગ કરવામાં આવી રહ્યો છે. જેથી બારકોડ દ્વારા મતદાન ઝડપી થઈ શકે અને બારકોડ સિસ્ટમને કારણે મતદારનું નામ વોટર લિસ્ટમાં તેમનો સિરિયલ નંબર શુ છે. ક્યાં ટેબલ પરથી બેલેટ પેપર મળશે તે સહિતની તમામ બાબતો સ્પષ્ટ થઈ શકે છે.

મતદાન ઝડપી થઈ શકે તે માટે પાંચ ટેબલ ગોઠવવામાં આવ્યા છે. વકીલ મંડળની યોજાનારી ચૂંટણીમાં મેનેજીંગ કમિટીની દસ બેઠક માટે 26 ઉમેદવારોએ અને મહિલા રિઝર્વની બે બેઠકો માટે આઠ મહિલા ધરાશાસ્ત્રીઓએ ઉમેદવારી નોંધાવી છે. કુલ 58 જેટલા ઉમેદવારોએ ઉમેદવારી નોંધાવી છે. ઉમેદવારોએ જીતનો આશાવાદ વ્યક્ત કર્યો હતો.